Bjellorusia tha se kishte dërguar avionë, forca të mbrojtjes ajrore dhe armatime në kufirin e saj me Ukrainën, një ditë pasi presidenti Alexander Lukashenko deklaroi se kishte dislokuar gati një të tretën e forcave të armatosura të vendit në rajon.
"Prania ushtarake është rritur ndjeshëm dhe për momentin trupat janë në detyrë në kufijtë jugorë të vendit", tha për transmetuesin shtetëror CTV, komandanti i Forcave Ajrore dhe Mbrojtjes Ajrore të Bjellorusisë, gjeneral-major Andrei Lukjanovich. Aviacioni, forcat raketore anti-ajrore dhe trupat radio-teknike janë vendosur në kufi, tha Lukjanovich, sipas CTV. Disa ditë pas inkursionit të papritur të Ukrainës në territorin rus, Lukashenko, një aleat besnik i Presidentit Vladimir Putin, akuzoi Kievin për politika agresive dhe për dërgimin e më shumë se 120,000 trupave ukrainaseë në kufi me Bjellorusinë. Ukraina tha se nuk kishte parë një rritje të trupave bjelloruse në kufi dhe i quajti deklaratat e Lukashenkos "retorikë" që synon të kënaqë Putinin, i cili e përdori Bjellorusinë si një pikënisje për të filluar pushtimin e tij të Ukrainës në shkurt 2022. Moska e quan luftën një "operacion special ushtarak". Kievi dhe aleatët e tij thonë ndërkohë se kjo është një përpjekje e paprovokuar imperialiste për rrëmbim tokash dhe që nga fillimi i saj janë vrarë me mijëra dhe janë zhvendosur me miliona ukrainas ndërkohë që shumë qytete janë kthyer në rrënoja. Lukjanovich tha për CTV se Bjellorusia po pret gjithashtu më shumë avionë ushtarakë nga Moska këtë vit dhe se Minsku po bën përpjekjet e tij për të forcuar sistemet anti-dronë. “Fakti që dronët janë murtaja e shekullit të 21-të, tani është e qartë”, tha Lukjanovich. "Kjo është një dhimbje koke, për të cilën mendoj se ne do ta gjejmë ilacin".
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Bjellorusi#Ukrainë
![](https://s2.save4k.ru/pic/64A4j42sIoY/maxresdefault.jpg)