العلاج المضاد لفيروس
يستعمل مزيج متاع دوايات، مع بعضهم قادرين يمنعوا الفيروس أنو يتكاثر .
و هذا يخلّي كمية الفيروس في البدن ضعيفة، و يخلّي جهاز المناعة قويّ.
الأدوية هاذي ما تقضيش على الفيروس نهائياً ،أما تخليه تحت السيطرة.
برشا ناس يولّي الفيروس ماعادش يظهر في تحاليلهم، و هذا معناتها اللي هو موجود في بدنهم بكميات صغيرة برشا لدرجة أنو ما يأثرش على صحّتهم، و ما فما حتى خطر من أنهم يعدييو .
تحليل كمية الفيروس هو التحليل اللي يخلينا نتأكدوا من هذا.
أهم حاجة هي إنو الإنسان المتعايش مع الفيروس يواضب على الدواء بالضبط كيما كتبهولو الطبيب.
على خاطر كيف ما ياخذش العلاج متاعو، كمية الفيروس باش تعاود تطلع في البدن .
بلاش دواء، الإنسان المتعايش مع الفيروس ينجّم يمرض ، على خاطر جهاز المناعة متاعو يضعف مع الوقت بسبب الفيروس.
الطبيب المباشر لازمو يراقب تطوّر الحالة بانتظام ، و يشوف مدى تقبّل بدنو للدواء و أعراضو الجانبية، و ويبدل في الدوايات إذا لزم .
العلاج ماشي و يتطور و يولي فيه أكثر خيارات، و أسهل في استعملو.
العلاج الناجع يخلي النّاس المتعايشين مع الفيروس ينجمو يعيشوا حياة طويلة وعادية وصحّيّة
