80-ականներին կառուցված, ՀԱՄԽ (Հայաստանի արհեստակցական մարզական խորհրդի) ենթակայության տակ գտնվող Վանաձորի ճոպանուղին, որ լիարժեք աշխատում էր, շենքն էլ գրեթե ամբողջությամբ ավարտին էր հասցված, 2005-ից հանձնվել է Վանաձորի քաղաքապետարանին: Քաղաքային իշխանությունները վստահեցնում էին, թե մինչև հաջորդ տարվա ավարտը ուսումնասսիրություններից ու նախագծային աշխատանքներից հետո կսկսվեն ճոպանուղու վերականգնման, շրջակա տարածքի բարեկարգման աշխատանքները, և շահագործուման հանձնվելուց հետո այն կդառնա քաղաքի ամենագեղեցիկ անկյուններից մեկը:
Այնուհետև քաղաքապետարանի այլ հայտարարություններով՝ պարզվել էր՝ համայնքային բյուջեի միջոցներով հնարավոր չէ իրականացնել ճոպանուղու նորոգման աշխատանքները: Վերագործարկումից բացի՝ հանգստի համար ժամանակակից չափանիշներին համապատասխան ենթակառուցվածքների ապահովման նպատակով էլ, ըստ նրանց, մեծ ներդրումներ էր պահանջվում: Այս կապակցությամբ քաղաքապետարանը գրություն էր ներկայացրել կառավարություն, նաև այլըտրանքային ֆինանսավորման աղբյուրներ գտնելու համար միջազգային մրցույթ էր հայտարարել:
Մինչ 2005 թվականից զբոսաշրջության ոլորտով հետաքրքրված գործարարներ են փնտրվում, որ ներդրումներ կատարեն, այս ընթացքում քաղաքապետարանի և իրավապահների կողմից անտերության մատնված ճոպանուղու շենքի փլատակներից դեռ շինանյութ են գողանում՝ աղետի գոտու՝ իրենց խոսքով «25 տարուց ավել անտուն-անբուն ման եկող» բնակիչների աչքի առջև:
Մեր տեսախցիկն արձանագրել է հերթական գողությունը դեպքի վայրում:
![](https://s2.save4k.ru/pic/687Dy5fijyg/maxresdefault.jpg)