25-қазан – Республика күні ретінде бекітілді. 13 жылдан соң, 25-қазан Республика күні ретінде қайта бекітіліп, президент тиісті заңға қол қойды.
Қасым-Жомарт Тоқаев Республика күні елдің мемлекет құру жолындағы тарихи қадамының символы болуы керек екенін айтты.
"Ұлттық мерекелер мен атаулы күндер тізбесіне бірқатар өзгеріс енгізген жөн. Мен Республика күніне ұлттық мереке мәртебесін қайтаруды ұсынамын. Сондықтан, қазанның жиырма бесі күні жыл сайын Егемендік күнін еліміздің басты мерекесі ретінде атап өтуіміз керек", - деді Тоқаев Ұлытауда өткен Ұлттық құрылтайдың отырысында.
Президент 1990 жылы 25 қазанда Қазақстанның егемендігі туралы декларация қабылданғанын еске салды.
"Бұл еліміздің тәуелсіздік жолындағы тұңғыш қадамы болатын. Осы құжатты қабылдаған кезде Тұңғыш Президент Нұрсұлтан Назарбаев аса маңызды, тіпті шешуші рөл атқарды", -деді мемлекет басшысы.
Тоқаев Республика күні елдің мемлекет құру жолындағы тарихи қадамының символы болуы керек екенін айтты.
"Әрине, Тәуелсіздік күнінің бастапқы мәні сақталады. Бұл күн мемлекеттік мереке болып қала береді. Бірақ, тәуелсіздік алуға зор үлес қосқан ұлттық батырларымызға тағзым күні ретінде атап өтілуі керек", - деді Тоқаев.
Бүгін "Ақжайық" музыка мектебінің концерт залында 25 -қазан Республика күні мерекесіне орай мектебіміздің классикалық бөлімінің ұйымдастыруымен "Менің отаным - Қазақстан" атты мерекелік концерт болып өтті. Концертке ата-аналар, мектеп ұжымы қатысты. Мерекелік концертті мектеп оқушыларынан құралған хор ұжымы Мемлекеттік әнұранмен бастады. Мектеп директоры Айсынов Сырым Бәденұлы келген қонақтарды және ұжымды алда кележатқан мерекемен құттықтап жылы лебізін білдірді. Мектеп оқушыларынан құралған ұлт аспаптар оркестрінің орындауындағы Құрманғазының "Адай" күйі көтеріңкі көңіл күй сыйлады. Мектебіміздің өнерлі оқушылары фортепиано, вокал, скрипка, ксилофон, баян, дәстүрлі ән, домбыра аспаптарында керемет шығармалар, әндер орындап көрермендерге мерекелік көңіл күй сыйлады.
Сіздерді "Ақжайық" музыка мектебінің ұжымы атынан Республикамыздың әр азаматы үшін айтулы мереке – Республика күнімен құттықтаймыз!
Еліміздің жалынды жастары бастарын бәйгеге тігіп, бодандық құрсауынан шығуға ұмтылған қыршын ерліктері бүгінгі Тәуелсіз Еліміздің жарқын істерімен жалғасын табуда. Бостандық пен еркіндіктің бастауы болып табылатын осы салтанатты күні Сіздерге игілік пен бақыт, бақ - дәулет, ырыс тілейміз. Қазақстанның тұрақты дамуы мен кемелденуі жолындағы еңбектеріңіз табысты, барлық бастамаларыңыз сәтті болсын!
![](https://s2.save4k.ru/pic/6DbNUAyZhzQ/mqdefault.jpg)