Бүгін Мемлекет басшысының Бейжіңге сапары аясында қазақ-қытай кәсіпкерлерінің іскерлік кездесуі өтті. Оған көрші елдің 300-ден астам ірі компаниясының өкілдері қатысты. Жиыннан соң кәсіптің кіл марғасқалары Нұрсұлтан Назарбаевпен де кездесті. Президент біздегі бизнес өкілдеріне жасалатын жеңілдіктерді тізіп көрсетті. Қытайлық кәсіпкерлерді Қазақстанға инвестиция әкелуге шақырды. Нәтижесінде 40-тан астам келісімге қол қойылды. Қытай тарапы мұнай-газ, металлургия, ауыл шаруашылығы салаларына инвестиция салуға дайын. Сондай-ақ, кездесуде қазақ-қытай іскер топтарының келешек байланысы да кеңінен талқыланды.
![](https://i.ytimg.com/vi/6GKqGEzdmxA/mqdefault.jpg)