ته چې په خوب کې راځې، ته چې په خيال کې راځې
سپينې شاهينې وايه، کله په جال کې راځې؟
زه چې ماڼۍ جوړوم، د تصور د دنيا
په هره خښته کې ته، په هر ديوال کې راځې
د بنګړو شړنګ دې خيژي، له پايزېبونو سره
د پښتنو کلي ته، په وريښمين شال کې راځې
د سنځل ګلووږمې، د ګلابونو غونچې
هم په هنر کې راځې، هم په کمال کې راځې
وزير د عقل مې خورې، شطرنج د مينې کوې
چې کشت مات راکوې، په کوم يو چال کې راځې؟
راشه ځواب شه زما، ښکلی کتاب شه زما
زه بې ځوابه يمه، په هر يو سوال کې راځې
زه چې شراب راواخلم، نشه نشه پکې ته
زه چې رباب راواخلم، په سروتال کې راځې
نری باران يې زما، لمر د اسمان يې زما
د تورو غرونو پر سر، په زرغون ټال کې راځې
زه چې لمانځه ته روان، د خدای کاله ته روان
په ترنم ترنم، غږ د بلال کې راځې
په زړه مې چک لګوې، لکه غزل دکاروان
اخ د لونګو غوټې، په شنه دسمال کې راځې
شاعر: پير محمد کاروان
سندرغاړی: اعجاز افق
#IjazUfaq #PashtoNewGhazal #PashtoSong
Ta Che Pa Khob Ke Razei ۔ Ijaz Ufaq
Теги
Ijaz ufaqEjaz ufaqAjaz ufaqIjaz ufaq songIjaz ufaq ghazalIjaz ufaq kakariIjaz ufaq concertIjaz ufaq programPashto songPashto new songPashto best songPashto 2023Pashto ghazalPashto new ghazalPashto best ghazalHaroon bachaJaved amirkhailKaran khanZa che sharab rawakhlam ijaz ufaqZa chi sharab rawakhlam ijaz ufaqTa che pa khob ke razy ijaz ufaq