Медицина саласында қандай олқылықтар бар? Халықты қандай мәселелер мазалайды?

Осы және өзге де сауалдарға жауап алу үшін Денсаулық сақтау министрлігінің қолдауымен 31 қаңтарда «100 мәселе – 100 шешім – 100 күн» әлеуметтік науқандық шарасы іске қосылғанын білеміз.

Нәтижесі қандай? Көпшіліктің көңілін күпті қылған түйткілдер қалай шешілмек?

Гүлмайра Қуатбайқызы, тілші:

-Жұртшылықты ең алдымен медициналық қызмет көрсету сапасының төмендігі алаңдатады. Шағымданушылар балалар мен ересектердің бір дәрігерге қаралуына қарсы. «Еңбектеген баладан, еңкейген қартқа дейін ұзын-сонар кезекте телміріп отыру қиын», – дейді олар.

Жанна Мусина, қала тұрғыны:

-Балалар мен ересектердің кабинетін міндетті түрде бөлу керек. Себебі жас нәрестелерді белгілі уақытта кесте бойынша дәрігерлер тексеріп тұру қажет. Осындай кезде барғанда кезекте науқас адамдар да тұрады. Кезегің келгенше біраз уақыт өтеді. Емханаға сау келіп, тұмау жұқтырып қайтпасыңызға ешкім кепілдік бере алмайды.

свернуть