#DamianGjiknuri #EdiRama #gjermani

Kryeministri Edi Rama do të vizitojë së shpejti Gjermaninë, ku do të zhvillojë një takim me kancelarin e ri, Olaf Scholz. Këtë e bëri të ditur Sekretari i Përgjithshëm i Partisë Socialiste, Damian Gjiknuri, i cili po zhvillon një vizitë dy ditore në Berlin, ku u prit në zyrat qëndrore të Partisë Socialdemokrate nga Sekretari për Marrëdhëniet Ndërkombëtare, Rainer Vogt dhe Këshilltari për politikat mbi Evropën Leonard Pledt.
“Një pikë tjetër e rëndësishme është përgatitja e vizitës së Kryeministrit Rama në Berlin dhe takimi i tij me kancelarin Scholz dhe me udhëheqësit e Partisë Socialdemokrate të Gjermanisë. Kjo vizitë do të rigjallërojë edhe një herë marrëdhëniet shumë të mira mes Gjermanisë dhe Shqipërisë. Duhet pasur parasysh roli pozitiv që ka luajtur Shqipëria, por njëkohësisht edhe përfshirjen shumë të fortë të Gjermanisë në procesin e udhëheqjes së gjithë rajonit”.
Delegacioni i drejtuesve socialistë i kryesuar nga Gjiknuri zhvilloi edhe një vizitë në Bundestag ku mori garanci për vijimin me një ritëm edhe më të shpejt të Procesit të Berlinit.
“Në Komisionin e Bundestagut që mbulon çështjet e Europës Juglindore, ku pata mundësinë të elaboroj më thellë procesin e ‘Ballkanit të Hapur’; interesin që treguan përfaqësues të Bundestagut në lidhje me këtë proces; si edhe mora garancinë se shumë shpejt do të riaftësohet shumë shpejt edhe një herë procesi i Berlinit. Mbase mund të ketë një emër tjetër, por e rëndësishme është se Gjermania do të ketë rol kyç në udhëheqjen e këtij procesi për të gjithë Ballkanin Perëndimor. Mendoj se është momenti i duhur me qeverinë e re gjermane, e cila e ka vënë në marrëveshjen e koalicionit, integrimin e Ballkanit Perëndimor në Bashkimin Europian. Procesi i zgjerimit është komplet natyral”.
Delegacioni i kryesuar nga Gjiknuri zhvilloi edhe një vizitë në Ministrinë e Jashtme Federale ku takuan ambasadoren Susanne Schutz.

SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть