Բաժանորդագրվեք մեզ՝ [ Ссылка ]
#Էկոնոմիկայի_նախարարություն #5tv
Դեռևս պաշտոնապես չհաստատված տեղեկություններով՝ ձերբակալվել է էկոնոմիկայի նախարարի նախկին տեղակալ Անի Իսպիրյանը: Հայաստանի վարչապետի որոշմամբ՝ նա երեկ է ազատվել զբաղեցրած պաշտոնից: Էկոնոմիկայի նախարարությունը միայն հաստատել է, որ գերատեսչությունում քննչական գործողություններ են ընթանում: «Կոռուպցիայի դեմ պայքարը համարում ենք գերկարևոր, միաժամանակ առաջնորդվում ենք անմեղության կանխավարկածով»,- խորհրդարանում լրագրողների հետ զրույցում հայտարարել է Վահան Քերոբյանը: Նա նաև նշել է, որ փոխնախարար Անի Իսպիրյանի պաշտոնանկությունը կապ չունի քննչական գործողությունների հետ: Քննչական կոմիտեն լրատվամիջոցներին հայտնել է, որ ընդհանուր առմամբ ավելի քան 15 վայրում խուզարկություններն են տեղի ունենում, այդ թվում՝ Էկոնոմիկայի նախարարությունում ու մի շարք մարդկանց բնակարաններում:
