Special Sunday cu ziah kan fir khawh lai. Zarhpini cu fir khawh a si lo. Special Sunday cu kan fir ttung lo. Midang upat pek cu zeidah a sualnak a um, an tuah cio ko cu ta, a poi lo cuh tiah kan ti i, Bible nak in minung kan ruahnak le kan Idea chuahmi hi biapi deuh ah kan chiah ttheo rih ko. Pathian hi Bible ning biak hrimhrim kan i tim lo, kan duh bak lo.
Mirang tuahmi poah kan tuah ve caah hmailei ahcun ngeihkhat tthit-um le tthitvat hlan umtti zong biakinn chung tiang Amen ti te dawh in kan um cang. Pakhat hnu pakhat in an i zuk thluahmah lio. Bible hi kan duh bak lo. A min lawng kan i tlaih i, kan chim sawhsawh. Secular Education le Science tu nih a kan thawt deuh cang. Atheist tiang zong um le karh te dawh. Cucu vawlei a si caah a um ve lengmang ko lai, nain a dotu zong kan um ve lengmang ko lai.
Zei paoh hi Positive in hmuh khawh dih a si. Sualnak zong hi positive in kan hmuh caah kan tlau chin lengmang nak hi a si. Living Together le Nulenu, palepa i um hmanh Positive in a hmu mi kan tampi cang. Pathian Bia nak in minung ruahnak le a ttha kan timi sawhsawh in Pathian kan biak hi Cain nih Pathian a biak ning he aa khat bak te a si. Pathian sin a phan lo. A theipar a tlai lo i, a result a chia tawn. Pathian Bia in kan kal lo paoh ahcun rawhnak nih a kan phak zungzal.
