Rusia po ndërton dronë ushtarake në Kinë, sipas një raporti ekskluziv të publikuar nga Reuters. Dronët janë bërë shtylla kryesore e konfliktit, të shkaktuar nga pushtimi i Ukrainës nga Rusia në shkurt 2022. Kievi javët e fundit ka intensifikuar ofensivën e tij me dronë duke i dërguar ata thellë në territorin rus për të synuar infrastrukturën dhe depot e furnizimit. Administrata e presidentit amerikan Joe Biden ka sanksionuar disa kompani kineze që thotë se kanë qenë të përfshira në furnizimin e Rusisë me komponentë të dronëve dhe mallra të tjera të lidhura me ushtrinë. Megjithatë, kjo është hera e parë që Kina raportohet se po i jep Rusisë armët ajrore në tërësinë e tyre. Reuters citoi dokumente që kishte shqyrtuar, si dhe dy burime nga një agjenci e inteligjencës evropiane që flisnin në kushte anonimiteti. Sipas një prej dokumenteve, kompania ruse e kërkimit dhe zhvillimit, IEMZ Kupol, një degë e Almaz-Antey në pronësi shtetërore, ka operuar në Kinë. Dokumenti, të cilin Kupol ia dorëzoi Ministrisë së Mbrojtjes Ruse në një kohë të pacaktuar këtë vit, detajon aktivitetet e kompanisë. Kupol ka zhvilluar dhe kryer teste fluturimi për një model të ri të dronit të luftës, Garpiya-3 (G3), një version i përmirësuar i dronit rus Garpiya-A1 që përfshin dizajnet e specialistëve kinezë. Në një raport të mëvonshëm, Kupol i tha ministrisë se një fabrikë në Kinë është e aftë të prodhojë G3 dhe modele të tjera dronësh, me qëllim që ata të përdoren në "operacionin special ushtarak të Rusisë", termi i Kremlinit për luftën e tij kundër Ukrainës. Disa modele të dronëve, përfshirë G3, janë dërguar në Rusi për t'iu nënshtruar provave të mëtejshme, thuhet në dokumente, me specialistë të paidentifikuar kinezë të dronëve që do të përfshihen në testim. Burimet e inteligjencës së cituar nga Reuters thanë se dokumentet shënuan provat më bindëse që nga pushtimi rus se dronë ushatarakë po prodhoheshin në Kinë dhe po i dorëzoheshin fqinjit të saj verior. Kina ka mohuar dërgimin e mallrave ushtarake në Rusi. Megjithatë, besohet se ajo është burimi i komponentëve me përdorim të dyfishtë për mjetet ruse të luftës si dronët e tij Orlan-10.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Prodhimi#Dronet

свернуть