Мемлекет басшысы Нұрсұлтан Назарбаев бүгін Парламенттің қос палатасының төрағалары Қасым-Жомарт Тоқаев пен Қабиболла Жақыповты, Премьер-министр Кәрім Мәсімовті және Конституциялық Кеңестің төрағасы Игорь Роговты қабылдап, президент сайлауын талқылады. Ақорданың баспасөз қызметі таратқан мәлімет бойынша, президент бұл бастаманы ел-жұрт, соның ішінде еңбек ұжымдары мен қоғамдық бірлестіктер мүшелері, зиялы қауым, жастар және аға буын талқылап жатқанына тоқталған.
