Pas kërkesave të subjekteve private në mënyrë të vazhdueshme, ka hyrë në fuqi ligji i përllogaritjes vjetore të energjisë që përftohet nga panelet fotovoltaike. Sipas përfaqësuesit të Ministrisë së Infrastrukturës dhe Energjisë, Enea Karakaçi ky vendim mundëson që pjesa e tepërt e energjisë së përftuar të mos humbasë.
“Është miratuar udhëzimi që bën të mundur që tani kompensimi i energjisë elektrike të prodhuar aty të matet në mënyrë vjetore. Në këtë kuptim, në ato muaj kur ka tepricë energjie siç mund të jenë Qershor, Korrik, pra muajt e verës. Ajo energji nuk humbet, por përdoret në muajt në vazhdim për të kompensuar konsumin energjitik.”
Janë rreth 1 mijë subjekte private përfshirë bizneset dhe famijarët që përfitojnë nga kompensimi vjetor.
“Kapaciteti total sot i instaluar për vetëkonsum është 103 megavat, ndërkohë subjektet të cilat kanë instaluar panele fotovoltaike janë rreth 1 mijë, ku 70% janë biznese dhe 30% janë abonentë familjarë.”
Vendi ynë ka kapacitetin më të lartë të lejuar në rajon prej 500 kwh dhe madje krahasuar edhe me shumicën e vendeve të BE-së
“Serbia e lejon deri në 150 kwh, Maqedonia e Veriut e lejon deri në 80 kwh, vetëm 3 shtetet te tjera europiane kanë të njejtin kapacitet me Shqipërine prej 500 kwh.”
Sipas Ministrisë së Infrastrukturës dhe Energjisë këto lehtësira ligjore për energjinë që përftohet nga panelet diellore janë një ndihmë e madhe për bizneset dhe kanë ulur ndjeshëm konsumin e energjisë elektrike.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
