Мемлекет басшысы Қасым- Жомарт Тоқаев жаңа жәрдемақы туралы заңға қол қойды. Заңға сәйкес 1- топтағы мүгедектерге күтім жасайтын азаматтар ай сайын 48 000 теңге алатын болады. Қазақстанда бірінші топтағы 66 мың мүгедектің үштен біріне не күтім бойынша жәрдемақы берілмеген, не жеке көмекшінің қызметі көрсетілмеген. Ал мүгедек балалардың жәрдемақысы 37 пайызға өспек. Сондай-ақ, мүгедек бала кәмелет жасына толып кетсе де отбасының тұрғын үй кезегі сақталады. Бүгінде қаламызда 1- топтағы 1294 тұрғын бар. Оның ішінде жеке оңалту бағдарламасына сәйкес 1192 адамға жеке көмекші қызметі тағайындалған. Қазан айынан бастап жеке көмекші қызметін алуға 983 мүмкіндігі шектеулі адам ниет білдірген. Айта кету керек, келесі айдан бастап 1- топтағы мүгедектерге күтім жасаушылар айына 48 000 теңге алатын болады. Бұл мүгедектігі бар азаматтар алып жүрген жәрдемақыдан бөлек. Ақтөбеде 16 жасқа дейінгі 2845 мүгедек бала тіркелген. 16 мен 18 жас аралығында 201 мүгедек жасөспірім бар. Жаңа заң бойынша, мүгедек балаларды тәрбиелеп отырған отбасы баласы кәмелетке толса да, тұрғын үй кезегінен шығарылмайды. Сондай-ақ 1-ші, 2-ші топтағы мүгедек балалардың ауруына қарай жәрдемақы көлемі 16 пайыздан 37 пайызға өсті. Яғни 1- топтағылар ай сайын 65 мың теңге, 2- топтағы мүгедек балаларға 54 000 теңге беріледі. Осы өзгерістерді іске асыру үшін бюджеттен 2023 жылдың аяғына дейін 55 миллиард теңге бөлінген.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
Ещё видео!