90 saylı Ağdaş seçki dairəsi üzrə Milli Məclisə keçirilən təkrar seçkilər davam edir. Bu gün saat 15-dək 40 min 203 seçicidən 16 min 114 nəfəri səs verib. Bu da 40,1 faiz seçici

Səsverməni yerli və beynəlxalq müşahidəçilər izləyib. AŞPA Monitorinq Komitəsinin həmməruzəçiləri Sezar Florin Preda, Stefan Şennak, belçikalı senator, AŞPA Komitəsinin sədri, Azərbaycanda insan haqları üzrə məruzəçi Alen Desteksi və AŞPA Katibliyinin əməkdaşı Boqdan Torkatoriu hazırda seçki məntəqələrində səsvermə prosesini müşahidə ediblər.

AŞPA MONİTORİNQ KOMİTƏSİNİN HƏMMƏRUZƏÇİSİ SEZAR PREDA: "Günortayadək Ağdaş şəhərində və kəndlərdəki 8 seçki məntəqəsində olmuşam. Seçki məntəqələrində yaradılmış şərait qənaətbəxşdir. Seçicilər səsvermə prosesində həvəslə iştirak edirlər. Hər hansı qanun pozuntusu ilə rastlaşmamışam. Ümumilikdə Ağdaşda seçki prosesinə ciddi hazırlıq işlərinin görüldüyünü müşahidə edirəm".

AŞPA MONİTORİNQ KOMİTƏSİNİN HƏMMƏRUZƏÇİSİ STEFAN ŞENNAK: "İndiyədək 6 seçki məntəqəsində olmuşam. Seçkilərin şəffaf və demokratik keçirilməsi üçün çox iş görülüb. Səsvermə prosesi normal gedir. Seçkini xeyli sayda yerli müşahidəçi də izləyir. Məntəqələrdə veb-kameralar quraşdırılıb. Bütün bunlar səsvermənin şəffaf və demokratik keçməsini şərtləndirən amillərdir. Səsvermə prosesi qanunvericiliyin tələblərinə uyğun aparılır. Müşahidələr zamanı gördüm ki, bəzi vətəndaşlar 90 saylı Ağdaş seçki dairəsi üzrə ötən ilin noyabrında keçirilən seçkilərin nə üçün ləğv olunması və təkrar seçkilərdə nəyə görə iştirak etdiklərini bilmirlər. Bəzi yerli müşahidəçilər də seçkilərdə nəyə diqqət yetirməli olduqlarını bilmirlər. Biz bəzi seçicilərin deputatlığa namizədlər barədə kifayət qədər məlumatlı olmadığını müşahidə etdik”.

90 saylı Ağdaş seçki dairəsi dairə seçki komissiyası bəyanat yayıb. Bəyanatda deyilir ki, bu dairə üzrə təkrar seçkilərin azad, ədalətli, demokratik və şəffaf keçirilməsi məqsədilə seçki qanunvericiliyində nəzərdə tutulmuş bütün imkanlar yaradılıb. seçki prosesinin ümumən qanunvericiliyə uyğun davam etməsinə baxmayaraq, bəzi hallarda özlərini KİV fəaliyyəti ilə məşğul olan qurumların nümayəndələri kimi təqdim edən səlahiyyəti bəlli olmayan şəxslər seçicilərin iradəsinin azad ifadə olunmasına, seçki komissiyalarının, müşahidəçilərin və digər səlahiyyətli şəxslərin fəaliyyətinin normal həyata keçirilməsinə mane olan hallara yol verirlər. Bu hərəkətlər namizəd İqbal Ağazadə üçün qanunsuz üstünlük və əlverişli şərait yaratmağa yönəlib, həmin şəxslər media nümayəndələrinin adından sui-istifadə hallarına yol verib, məntəqə seçki komissiyalarının işinə müdaxilə etmə, habelə ayrı-ayrı məntəqələrdə və onların qarşısında qarışıqlıqlar salmağa və qarşıdurma yaratmağa açıq cəhdlər edilib. Bununla da seçki hüququnun həyata keçirilməsinə maneələr törədilib və Seçki Məcəlləsinin tələbləri kobud şəkildə pozulub. 19 saylı seçki məntəqəsində oxşar fəaliyyətə yol verildiyindən iki nəfər onların məntəqədən kənarlaşdırılıb və səsvermə prosesinin bərpa olunması üçün qanunvericiliyin tələblərinə uyğun müvafiq tədbirlər görülüb.

свернуть