Sənə Maraqlıdırsanın bütün videolarını YouTube-da izləmək üçün kanala ABUNƏ olun: [ Ссылка ]
☪ Musiqi: Is That You or Are You You - Chris Zabriskie
☪ Əziz Dostlar kanala ABUNƏ OLaraq bir birindən maraqlı videoları izləyə bilərsiniz
☪ Bütün Hüquqlar Qorunur © ® ™
Hansı qarağat daha faydalıdır: qırmızı yoxsa qara?
Mütəxəssislərin qənaətinə görə, qarağat insan sağlamlığı üçün ən faydalı giləmeyvələrdən biridir. Qırmızı və qara qarağat tərkibində bir çox vitaminlər, minerallar, orqanik turşular, qidalı liflər və s. kimi faydalı maddələr var.
Baxmayaraq ki, qarağatlar yaxın "qohumlardır", onların tərkibində olan faydalı maddələrin miqdarı xeyli fərqlənir. Gəlin birlikdə hansı qarağatın daha faydalı olduğunu təyin edək. Bunun üçün sizə bəzi faktlar təqdim edirik:
- 100 qr qara qarağatın tərkibində C vitaminin 2 sutkalıq dozası, 100 qr qırmızı qarağatın tərkibində isə yarım sutkalıq C vitamini dozası var. C vitamini insanın sağlamlığı üçün olduqca vacibdir. Onun əsas vəzifələrindən biri damarlarımızın sağlamlığını qorumaq, onları elastik və möhkəm etməkdir.
- Qara qarağat çox zəngin kimyəvi tərkibə malik olan giləmeyvədir. Qara qarağat xüsusilə C vitamini ilə zəngindir. Bu səbəbdən giləmeyvə çox gözəl antioksidant sayılır. Orqanizmdə gedən qocalma proseslərini ləngidir, orqanizmi bərpa edir, orqanizmə xarici mühitdən düşən zəhərlər, toksinlər və sərbəst radikallarla mübarizə aparır.
Qara qarağat insanın immun sisteminə çox müsbət təsir edir. Uşaqlar, yaşlı insanlar, xəstəliyin nəticəsində zəiflənmiş insanlar üçün bu giləmeyvə olduqca xeyirlidir.
Qara qarağatda həmçinin B qrupu vitaminləri, K vitamini, fol turşusu və pantoten turşusu da var.
Qara qarağat dəmirlə zəngindir. Bu onu anemiyadan əziyyət çəkən insanlar üçün çox faydalı edir.
Bundan əlavə qara qarağat kalium elementi ilə də çox zəngindir. Kalium orqanizmi artıq mayedən və duzlardan azad edir və bunun nəticəsində ürək-damar və böyrək xəstəlikləri olan insanların vəziyyətini yaxşılaşdırır.
Aterosklerozun müalicəsi və profilaktikası üçün qara qarağat çox xeyirlidir.
Qara qarağat iştahanı artırır, mübadilə proseslərini yaxşılaşdırır, qanda şəkərin səviyyəsini aşağı salır.
Bu giləmeyvə az kalorilidir və bu səbəbdən arıqlamaq məqsədi ilə tutulan pəhrizlər zamanı uğurla istifadə oluna bilər.
Qara qarağat iltihab və revmatizm əleyhinə, antiseptik xüsusiyyətlərinə malikdir.
Qara qarağat kapilyar və damarlar üçün da çox xeyirlidir - onları təmizləyir, elastikliyini artırır.
Bronxit zamanı qara qarağatın şirəsi çox yaxşı bəlğəmgətirici və iltihab əleyhinə təsir edir.
Qara qarağatla müqayisədə qırmızı qarağatın kimyəvi tərkibi daha "kasıbdır". Lakin qırmızı qarağatın tərkibində də xeyirli vitaminlər və mikroelementlər var. Qırmızı qarağatın tərkibində C vitamini daha azdır, lakin yod daha çoxdur.
Qara və qırmızı qarağat sidikqovucu xüsusiyyətlərinə malikdir və böyrək və sidik kisəsi xəstəlikləri zamanı çox yaxşı müalicəvi təsir edir.
Qara və qırmızı qarağat kosmetologiyada da istifadə olunur. Bu giləmeyvələr dəriyə ağardıcı təsir edir, çillər və piqment ləkələri ilə mübarizə aparır, dərini tonuslaşdırır və cavanlaşdırır.
Hər bir meyvələrdə olduğu kimi bu giləmeyvədə diqqət ediliməsi olunan qadağalar vardır. Hansılardır?
Qara qarağat qanın laxtalanma prosesinə təsir edir. Qan laxtalanmasında problem olan şəxslərə qara qarağat yemək məsləhət görülmür. Həddən artıq qara qarağat qəbul etmək qan təzyiqini aşağı sala bilər. Qara qarağat aşağı qan təzyiqi olan, yəni hipotoniklərə qadağandır.
Qara və qırmızı qarağatın bir çox faydası var. Amma onu az miqdarda qəbul etmək olar. Bu zaman orqanizmə ziyan vurmur, əksinə, zaman keçdikcə sağlamlığı möhkəmləndirir.
#qarağat #qaraqarağat #qırmızıqarağat #qarağathaqda #qarağathaqqında #qarağatınfaydası #qarağatınfaydaları #qarağatınxeyri #qarağatınxeyirləri
