Бүгін - дүниежүзілік телевизия күні. Ақпарат алудың саналуан көзі болса да, қазір телеарна халыққа хабар таратудың басты құралы.
Жаңалықтар, сараптамалық, танымдық, ойын-сауық бағдарламалары, көркем дүниелер мен деректі фильмдер. Көрер көзге таңдау көп. Жерсеріктік, кабельді хабар тарату жүйесіне қосылып, жүзден астам арнадан қалағаныңды қарауға болады. "Рика" телеарнасының таза өз өнімі саналатын 20 шақты хабары бар. Үлкен шығармашылық ұжым тынбай еңбек етеді. Телевизия саласының майталманы диктор Гүлбаршын Аққатованың айтуынша, қазір көрермендер санын тек сапалы бағдарламалармен ғана көбейтуге болады. Бейнеоператорлар, монтаж жасаушылар, дайын өнімді эфирге шығарушы режиссерлер - телеарна атты армияның көрінбейтін жауынгерлері. Үнемі кадр сыртында қалатын мамандардың бірі - бағдарламалар бөлімінің аудармашысы Қарлығаш Көсенбаева. "Рика" телекомпаниясындағы еңбек өтілі 15 жылға жуықтады. Осы уақыттың ішінде 200-ге жуық фильм мен бағдарламаны қазақ тіліне аударып, дыбыстады. Өзге арналарда дубляж бөлімінің бір ұжымы атқаратын жұмысты Қарлығаш бір өзі жасайды. Бүгінгі таңда телевизия қуатты ірі индустрияға айналды. Әлем халықтары телевизия өнімдерін жан-жақты пайдалануда. Үлкен шығармашылық ортаны қалыптастырған телевизия саласы тиімді табыс көзіне де айналып отыр.
![](https://i.ytimg.com/vi/7H4aqE2IQcc/mqdefault.jpg)