ابدا بذكر الله وباسمه نستعين
الواحد اللي كافل ارزاق البشر
سبحانه المعبود ماغيره معين
منزل تبارك والتغابن والحشر
جل جلاله خالق الناس اجمعين
يسمع دبيب النمل في صم الصخر
شكور ويحب العباد الشاكرين
الحمد له وله الثنا وله الشكر
يالله عسانا شاكرين وذاكرين
وافراحنا ياجعلها طول الدهر
من بعد ذكر الله سلام المسلمين
سلام تسليمن يعم اللي حضر
قلت السلام بحفلنا للحاضرين
والله يحيييكم تراحيب المطر
اقولها بلسان ابوي بكل حين
اسمه واسم عماني حزام الظفر
اللي بقى ولا من اللي راحلين
اي والله انه ذكرهم كله فخررر
اللي رحل جعله بدار المتقين
واللي بقو ياجعلهم طول العمر
اقدم الترحيب باسم الطيبين
(((ترحيب من طيبه يحلي له بحر)))
ابو عواده قالها والفال زين
ومعيض وسليمان حيو من عصر
في حفل عادل صاحبي ذرب اليمين
اللي بحفله نصخر ابيات الشعر
اصخر الجزلات للجزل الثمين
و الليله الليله مقامً معتبر
عادل ولد عمي واعزه من سنين
عالي مقام ومعتلي عز وقدر
حياكم الله ياضيوف مشرفين
اقولها واعيدها واقدح سطر
الضيف يقلط له على سمن وسمين
عقب الدلال الصفر والبن الخضر
ربعي يحبون الضيوف الزايرين
كلاً شعم ناره على ضوء الفجر
من لفتخر بافعال ربعه لايبين
الا لياصارو رديين يحضر
وانا ربوعي قايلين وطايلين
عدونا مخطور بالموت الحمر
من دون قاصر والعوارف شامخين
اهل الفعول تبان لابان الخطر
والله يعز المملكه والحاكمين
آل السعود اهل الامان المستقر
#شادي جهينه..
