#aksident #viktima
Dy makinat që u përfshinë në aksidentin tragjik që ndodhi mbrëmjen e së mërkurës në aksin Fushë Bulqizë-Shupënzë ku humbën jetën tre persona ishin ende në vendngjarje.
Kjo është gjithçka ka mbetur nga makina tip “Mercedes Benz 240”, ku udhëtonin 3 viktimat, anëtarë të familjes Istrefi, dy prej të cilëve vëllezër.
Tv Klan sjell grafikisht dinamikën e aksidentit tragjik në vendin e quajtur ‘Ura e Gjoricës’, ku shihet makina tip “Benz” që udhëtonte familja Istrefi teksa del nga rruga dytësore. Tentativa e menjëhershme që ajo bën për t’u futur në rrugën nacionale, i pren rrugën makinës tjetër tip “Benz” me targa angleze që vinte me shpejtësi.
Përplasja ka qenë shumë e fortë sa të dyja makinat janë zhvendosur për afro 100 metra nga vendi i goditjes dhe për pasojë njëra prej tyre, ajo me të cilën udhëtonin viktimat është ndarë në dy pjesë.
Për pasojë nga përplasja gjetën vdekjen e menjëhershme, dy vëllezërit Kujtim dhe Murat Istrefi, ndërsa rrugës për në spital dhe bashkëshortja e njërit prej tyre, Lulzime Istrefi.
Ndërsa mbeti e plagosur Firuze Istrefi, si dhe 3 personat që lëviznin me automjetin tjetër, konkretisht Kadrie Markeçi dhe vëllezërit Mërgim dhe Edison Lazri. Ky i fundit është vënë në pranga nga policia pasi ishte shofer në makinën tip “Benz” me targa angleze që u përfshi në aksident.
Arrestimi i tij erdhi pasi shpejtësia e lëvizjes së automjetit dyshohet të ketë qenë tej normave të lejuara, pavarësisht se shkak i përplasjes u bë prerja e rrugës nga makina e viktimave.
I riu Lazri dhe i vëllai aktualisht janë në Spitalin e Traumës nën kujdesin e mjekëve
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
![](https://i.ytimg.com/vi/7M3-hD7zt0E/maxresdefault.jpg)