Shifrat e larta të të infektuarve me koronavirus kanë ndikuar edhe në përditshmërinë e shumë njerëzve. Bëhet fjalë për ata që duhet të përballen me Drejtësinë në procese të ndryshme gjyqësore.
Dhoma Civile e Gjykatës së Tiranës ka marrë vendimin për të ndërprerë punën deri në 10 nëntor. Sipas një vendimi të firmosur nga kryegjyqtari petrit Çomo përcjellë gjithë trupës së gjyqtarëve, gjykata do të vijnë punën vetëm për cështje të karakterit urgjent.
Në vendim thuhet se janë pezulluar gjykimet në Dhomën Civile të Gjykatës së Tiranës, për datat 5, 6 dhe 9 nëntor. Sipas vendimit, ndërprerja e punës është bërë në kuadër të masave anticovid, sipas protokolleve të miratatuara nga autioritetet përkatëse.
Pritet që të gjitha ambientet e gjykatës të dezinfektohen gjatë këtyre ditëve. Ndonëse nuk konfirmohet se mes trupës së gjyqtaëve apo stafit të ketë të infektuar, vlen të theksohet se për shkak të kontakteve të përditshme me qytetarët, ata janë të ekspozuar ndaj virusit.
Ndërkohë situata duket e tensionuar dhe në Gjykatën e rrethit gjyqësor Durrës ku dy gjyqtarë dhe një punonjës i administratës rezultojnë të infektuar me SARS-CoV-2. Nën peshën e frikës nga infektimi për shkak të veprimtarisë intensive të saj, gjyqtarët, sekretaret dhe pjesa tjetër e stafit janë në pritje të një vendimi për mbylljen ose uljen e numrit të seancave gjyqësore që zhvillohen gjatë ditës.
Shtimi i rasteve me Covid-19 ka ndikuar edhe në shtyrjen e seancave gjyqësore të gjyqtarëve të infektuar, po dhe të disa avokatëve që kanë rezultuar pozitiv. Pavarësisht se seancat gjatë pandemisë janë zhvilluar me numër të kufizuar personash, duke lejuar në seanca vetëm palët ndërgjygjëse virusi ka arritur të depërtojë dhe të prekë gjyqtarët. Mes dy gjyqtarëve të infektuar është dhe kryetari i kësaj gjykate, ndërkohë të tjerë qëndrojnë në pritje të rezultatit të tamponit.
Ndërsa në Gjykatën e Krujës rezulton i infektuar kancelari dhe shfaqja e simptomave të dyshimta te punonjës të tjerë të administratës së kësaj gjykate të cilët janë në pritje të rezultatit të tamponit ka ccuar në mbylljen e veprimtarisë së kësaj gjykate, të mërkurën, për një periudhë të paktën 10 ditore. Në Krujë përvecc kancelarit, janë dhe 6 persona të tjerë me simptoma tipike të Covid-19. Me vendim të ndërmjetëm nga ISHSH Durrës u bë mbyllja e gjykatës për 10 ditë si dhe karantinimi i detyrueshëm i 15 punonjësve të saj nga 7-10 ditë duke nisur nga data 4 nëntor. Kthimi i tyre në detyrë do të behët vetëm kur të kenë rezultat negativ të tamponit.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Durres#Kruje#TopChannel
