Join this channel to get access to perks:
[ Ссылка ]
Theme: Mga paraan kung paano hanapin unang-una ang kaharian ng Diyos araw-araw (Ways to seek first the kingdom of God every day)
Speaker: Rocky Kiley Valera
Scripture: Mateo 6:33
Date: April 17, 2022
I. Ang Panginoong Hesus ay nagsasalita ng may:
a. Aral
b. Kahalagahan
c. Karunungan
*Makikita natin ang Panginoong Hesus ay hindi lamang basta aalis ng walang mga ibinibigay na babala (warning) sa mga makamundong pagkabalisa o pagaalala at kabilang ang mga tukso.
*Pagdating sa mga alalahanin sa mundong ito, ang iniutos ng Panginoong Hesus ay “hanapin muna ang kaharian ng Diyos at ang katuwiran ng Diyos” – MATEO 6:33.
*At tandaan mayroong nakapaloob na pangako ng Diyos sa talatang ‘yan: Kapag hinahanap muna natin ang Diyos ay binibigyan Niya tayo ng eksaktong kailangan natin (kung ano talaga ang mga pangangailangan natin, minsan sobrang blessings pa nga).
II. Ano ang ibig sabihin ng “Hanapin muna (Seek first)”
- Seeking in order to find, to aim at, strive after.
Sa paghahanap ay mayroon tayong aksyon na gagawin at matinding effort na gagawin. Hindi mo mahahahanap ang isang bagay kapag nakaupo ka lang at wala kang ginagawa.
Mga Halimbawa: Kapag nawawala ang cellphone mo ay iniisip mo lang kung saan mo ito nailagay ay mahahanap mo ba ito kapag hindi ka tatayo at iche-check sa pantalon na pinagbihisan mo, sa bag, kwarto, kusina o saan mang sulok ng iyong bahay? Ganon din sa paghahanap natin sa Diyos, kapag ang kaisipan lang natin ang pinaniniwalaan natin at hindi biblical ay mamamali talaga tayo sa pagkakilala sa Diyos pero kapag binuklat mo ang Bibliya mo at binabasa mo ito ay unti-unting ire-reveal ng Diyos kung sino Siya sa buhay mo!
*Ang kagandahan sa ating Diyos ay lagi Siyang available at nakahanda upang hanapin natin Siya (KAWIKAAN 8:17), hindi Niya tinataguan ang mga taong naghahanap sa Kanya ng may effort o pagsisikap.
III. Ano ang ibig sabihin ng “Upang hanapin ang kaharian ng Diyos (To seek God’s kingdom)”
- Ang ibig sabihin ay nakagawa tayo ng desisyon na bumaling sa Diyos laban sa pagkabalisa o pag-aalala. Puwede kasing ang hinahanap ng tao ay ang Diyos o di kaya’y mga pagkabalisa o pag-aalala which is it represents the world (mga makamundong bagay na siyang nagbibigay sa atin ng pagkabalisa o pag-aalala) at kung ang God’s kingdom ang hinahanap mo ay nagkaroon ka ng desisyon na piliin ang Diyos kay sa mundo.
*Ang katanungan: Paano hahanapin unang-una ng isang Kristiyano ang kaharian ng Diyos?
IV. Mga paraan upang hanapin unang-una ang kaharian ng Diyos araw-araw
a. Through Prayer (Sa pamamagitan ng Panalangin).
b. Through Reading of God's words (Sa pamamagitan ng pagbabasa sa Salita ng Diyos).
c. Through Worship (Sa pamamagitan ng pagsamba).
d. Through Participation in God's Ministry (Sa pamamagitan ng pakikilahok sa mga Gawain ng Diyos).
V. Pagtatapos
Kung minsan mabibigat ang mga nangyayari sa ating buhay, minsan ay dumarating ang oras na natutukso tayo, minsan naman tayo’y nababalisa o nag-aalala hindi lamang sa ating mga basic needs, kundi sa pandemya, sa kaguluhan ng mga iba’t-ibang mga bansa at kabilang ang ating mga personal na problema, “Pero laging balikan ang salita ng Diyos tulad ng itinuro ng Panginoong Hesus sa MATEO 6:33.
Ano man ang nangyayari ay laging tumakbo tayo sa Diyos dahil Siya ay available at ready palagi upang hanapin natin Siya. Tandaan, hanapin ang Diyos higit sa lahat ng mga bagay.
Binalaan ng Panginoong Hesus ang Kanyang mga Alagad tungkol sa mga alalahanin sa mundo na kung mararanasan man nila ang mga ‘yan ay huwag silang mag-alala dahil ang Panginoong Hesus mismo ang nagsabi niyan, in Verse 34 same chapter ng MATEO 6, kaya’t huwag ninyong alalahanin ang bukas, sapagkat ang bukas ang mag-aalala sa kanyang sarili. Sapat na para ngayon ang kabalisahan sa araw na ito.
Ang paghahanap sa Kaharian ng Diyos ay tuloy-tuloy hanggang matapos natin ang ating takbuhin bilang Kristiyano.
Kailangan ng buong pagtitiwala natin sa Diyos at iyon ang itinuturo ng Panginoong Hesus.
Dapat nating malaman na ibang-iba ang kaharian ng Diyos kumpara sa mundong ito na punong-puno ng pasakit, ng kaguluhan, ng mga sakit, ng mga kirot ng mga kabalisahan at mayroong hangganan ang lahat ng mga bagay sa mundong ito.
VI. Reflection
Ang Diyos ba talaga ang main priority mo sa iyong buhay o lumalapit ka lang sa Kanya kapag wala kang other option?
Kaya hanapin natin ang kaharian ng Diyos habang may mga pagkakataon pa.
Mas magandang panoorin ng buo ang video upang mas malinaw at mas maintindihan ng husto ng buong-buo ang lesson.
Maraming salamat at magtulungan tayong maibahagi ang Salita ng Diyos na nasa Bibliya.
Pagpalain ang bawat nakikinig, nagbabasa at tumutupad ng mga Salita ni Kristo! Amen.
