“Sfidat në jetë janë bërë për t’i kapërcyer dhe jo për t’u dorëzuar”, kjo ka qenë edhe motoja e poetit Frrok Gjikolaj nga Lezha.
Ai e humbi shikimin në moshën 10-vjeçare, e pas kësaj e gjeti forcën që ta shihte botën me ngjyra të tjera.
E gjejmë në vendin ku ai ndjen më së shumti paqe, e ku merr frymëzimin për të hedhur në letër vargjet me poezi dhe tregimet e shumta, duke bërë ecje apo duke pastruar në bahçen e tij.
Frrok Gjikolaj është diplomuar për Letërsi dhe Psikologji, e ndërsa për 15 vite ka ushtruar profesionin e psikologut në shkollën e mesme në Zejmen.
Vitet e fundit ka botuar 7 libra me poezi, novela e tregime, ndërsa na flet edhe për projektet e reja që po punon.
Megjithëse ka prodhuar me mijëra kopje, ai nuk ka shitur as edhe një prej tyre, por i ka dhuruar në disa shkolla të vendit, nga ku ka marrë edhe feedbackun më të rëndësishëm, atë të dashurisë së lexuesve.
Megjithatë për të dhe për gjithë personat me aftësi të kufizuar shikimin, asgjë nuk është e lehtë, e një ndër problematikat që hasin çdo ditë është mungesa e infrastrukturës së posaçme për ta.
Frrok Gjikolaj pavarësisht disfatës në jetën e tij ia ka dalë mbanë dhe e gjitha falë dashurisë për familjen dhe për krijimtarinë artistike që vijon ta kultivojë ditë pas dite.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
