Қарағанды облысының Абай ауданында атаулы әлеуметтік көмекті қазір бар-жоғы 15 отбасы алатын болса, 1 шілдеден бастап олардың саны 300-ге жуықтайды. Себебі Елбасының тапсырмасына сәйкес, көпбалалы аналарға берілетін көмектің шарттары өзгерді. Мәселен, «Алтын алқа» мен «Күміс алқаға» және мүгедек балаларға берілетін жәрдемақы, шәкіртақы бұрын отбасының кірісі болып есептелсе, енді ол табыс көзі болып саналмайды. Осылайша қаншама адам әлеуметтік көмекке ілігіп отыр.
