Bodhi Pooja Kavi - බෝධි පූජා කවි | Buddhist Puja Chantings | Bodhi Pooja Gatha

බෝධි පූජා කවි

රන්වන් පාටින් දළුලන බෝධිය
නිල්වන් පාටින් කොළලන බෝධිය
ගෞතම මුනිඳුන් පිට දුන් බෝධිය
අපිත් වඳිමු ජයසිරි මහ බෝධිය

දඹදිව් ත‍ලයේ හට ගත් බෝධිය
සිරිලංකාවට වැඩමෙව් බෝධිය
ගෞතම මුනිඳුන් පිට දුන් බෝධිය
අපිත් වඳිමු ජයසිරි මහ බෝධිය

දෙව්ලොව දෙවියන් පුදකල බෝධිය
නාලොව සතියක් පුද ලද බෝධිය
දෙනෝ දහස් දෙන වඳිනා බෝධිය
අපිත් වඳිමු ජයසිරි මහ බෝධිය

මම මේ මළුවට යනවා එනවා
බෝමුල් බෝපත් මට පෑ ගෙනවා
සමාව දී මගේ පව් අරවනවා
බෝරජුනේ මට අවසර දෙනවා

උඩමළුවේ බෝ රජු වැජබෙනවා
දෙවැනි මළුවේ මල් පහන් දිලෙනවා
මහා මළුවේ මහා සෙනග වඳිනවා
මතු මත්තේ අපි නිවන් දකිනවා

පුන්සඳ මෙන් කඳු මුදුනේ දිස් වෙන
රන්වන් සිවුරක් පොරවා රැස් දෙන
තුන් ලොවටම මෙත් කරුණා වස් සන
අන්න බලන් බුදු සමිඳුගෙ ලස් සන

සම්මා සම්බුදු සමිඳුගේ මූණේ
ලස්සන වෙන කිසි මලකත් නෑනේ
අපි පුද දෙන මල් මිටි මිටි ගානේ
සමිඳුගේ ඉදිරියේ පරවෙනවානේ

නෙත සැනසිල්ල බුදු හිමි රුව දැකීමය
ගත සැනසිල්ල බුදු හිමි හට වැඳීමය
සිත සැනසිල්ල බුදු හිමි ගුණ සිතීමය
බව සැනසිල්ල හිමි ගත් මග ගැනීමය

කරදරමයි ජීවිතයක හැමදාම
මරණයට ටික ටිකවත් ළංවීම
පින පමණයි තරමකවත් සැනසීම
නිවන තමයි අපි කාටත් සැනසීම

බුදුගුණ අරහං නවගුණ වේවා
අරහං නවගුණ හදතුළ වේවා
මරනෙදි මට කිසි බියක් නො වේවා
මරනෙදි මට බුදු ගුණ සිහි වේවා

ධර්ම දානමය පින්කමක් සිදු කරවා ගැනීමට ශෙයාර් ( share ) කරන්න

ගාථා සුගායනය,
කාව්‍ය විශාරද පූජ්‍ය ඇතාබැදිවැව මහින්දරතන ස්වාමීන්වහන්සේ
බණ්ඩාරගම, රමුක්කන රජමහා විහාරය
පානදුර (0774138510)

[ Ссылка ]

▶ Subscribe දැහැමි Desawana : [ Ссылка ]
▶ Circle us on G+ : [ Ссылка ]
▶ Like us on Facebook : [ Ссылка ]
▶ Follow us on Twitter : [ Ссылка ]
▶ Visit Desawana Official Web : [ Ссылка ]

#BodhiPoojaKavi

свернуть