«100-ամյակն առանց ռեժիմի» շարժման 5 անդամների՝ Ժիրայր Սեֆիլյանի, Գարեգին Չուգասզյանի, Վարուժան Ավետիսյանի, Գեւորգ Սաֆարյանի եւ Պավել Մանուկյանի նկատմամբ կայացրած Երեւանի Կենտրոն եւ Նորք Մարաշ վարչական շրջանների ընդհանուր իրավասության դատարանի կալանքի որոշումներն այսօր կբողոքարկվեն։
Այս մասին «Ա1+»-ին հայտնեց նրանց պաշտպան Արա Զաքարյանը՝ նշելով, որ բացահայտ քաղաքական հետապնդում է իրականացվում։
Հիշեցնենք, որ ապրիլի 11-ին Կենտրոն եւ Նորք մարաշ վարչական շրջանների ընդհանուր իրավասության դատարանը «100-ամյակն առանց ռեժիմի» շարժման առաջնորդ Ժիրայր Սեֆիլյանին, շարժման ներկայացուցիչներ Պավել Մանուկյանին, Գարեգին Չուգասզյանին, Գեւորգ Սաֆարյանին, Վարուժան Ավետիսյանին կալանավորելու որոշում էր կայացրել: Նրանք մեղադրվում են ապրիլի 24-ին զանգվածային անկարգություններ նախապատրաստելու մեջ:
