Këshilli i Sigurimit të OKB do të diskutojë më 20 prill për Kosovën. Në takimin e parë të këtij viti, shefja e re e UNMIK-ut, Caroline Ziadeh, do të informojë për zhvillimet e fundit në Kosovë. Në seancë pritet të marrin pjesë si Serbia ashtu dhe Kosova por këtë radhë, Prishtina do të ketë në krah edhe Tiranën. Shqipëria është që prej fillimit të këtij viti anëtare e Këshillit e Sigurimit dhe Kosova është për të një nga çështjet me interes të veçantë. Këshillin e Sigurimit e drejton këtë muaj Mbretëria e Bashkuar. Takimi i fundit i KS për Kosovën është mbajtur në tetor të vitit të kaluar dhe që atëherë nuk ka pasur ndryshime të mëdha në raportet mes Kosovës dhe Serbisë. Një nga çështjet që ka shqetësuar palët muajt e fundit ka qenë pjesëmarrja e serbëve të Kosovës në zgjedhjet në Serbi. Beogradi nuk e pranon pavarësinë e Kosovës dhe vazhdon ta shohë atë si provincën e vet autonome. Ky ka qenë edhe qëndrimi i fundit i presidentit serb Aleksandar Vuçiç në bisedimet Prishtinë- Beograd, të zhvilluara për herë të fundit korrikun e kaluar.
Lufta në Ukrainë ndërkohë ka rritur shqetësimin për acarimin e mundshëm të tensioneve në Ballkanin Perëndimor. Vendet e BE dhe SHBA kanë shprehur shqetësimin se Rusia mund të destabilizojë Kosovën. Si kusht për garantimin e paqes dhe sigurisë, Kosova ka kërkuar të bëhet anëtare e NATO-s dhe të ketë një bazë të përhershme amerikane në vend.
Këshilli i Sigurimit të kombeve të bashkuara, përbëhet nga pesë anëtarë të përhershëm, me të drejtë vetoje dhe 10 anëtarë të përkohshëm, mes të cilëve këtë radhë edhe shqipëria. Nga pesë anëtarët e përhershëm, Franca, britania dhe SHBA e njohin kosovën, ndërsa rusia dhe Kina jo.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Kosova#Këshilli#Sigurimit#TopChannel
