#namaz #iman #magtymguly #mahtimkulu #pyragy #remezan #oraza #Ramazan #yslam #yslamnury #allah #huda #turkmengosgy #turkmendili #dinişiirler #turkmen
Geliş Magtymguly Atamyzyň "Alla Sen" atly goşgusyny diňläliň!
"Alla Sen!"
“Kun” lefziden älemni,
Möwjud edgen Alla Sen!
Jebraýylyn elinden,
Güni tutgan Alla Sen.
Ajyzu-şermendäge,
Köýünňde dermendäge,
Ezraýylny bendäge,
Nisbet etgen Alla Sen!
Afuw eýlärge laýyk sen,
Hem tebibi-hazyk sen,
A:ma ha:sa razyk sen,
Kysmat etgen Alla Sen!
Zemaýyrny gonduryp,
Tagty arşa mündürip,
Aşyk köňlün ýandyryp,
Hasrat etgen Alla Sen!
Hyjap tutup ýüzüňe,
Ysrafyly razyňa,
Habybyňy özüňe,
Kurbet etgen Alla Sen.
Aşyk ýolunda murda,
Uçramyş sansyz derde,
Pakyrlara magşarda,
Nurbat etgen Alla Sen!
Magtymguly bimara,
Gulam bolmus biçäre,
Ýüz müň meniň dek zara,
Mürewwet etgen Alla Sen!
