#pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv Nata e Vitit të Ri do të kthehej në një makth për nënën e 6 fëmijve nga Kallmi i Madh i Fierit, e cila u përball me dhunën e bashkëshortit.
Pasi shtruan tavolinën për të festuar si gjithë të tjerët, i alkoolizuar kryefamiljari dhunoi 34-vjeçaren, në sy të fëmijëve.
E tmerruar nëna bashkë me vajzën vrapuan për në rrugë ku kërkuan ndihmën e policisë të cilët menjëherë arrestuan kryefamiljarin për dhunë në familje.
Gjithçka nisi kur Majlinda nga Belshi i Elbasanit ishte një 17-vjeçare asokohe kur u martua me shkuesi me Fatmirin 10 vite më të madh nga Fieri. Që në fillime të martesës ai ushtronte dhunë mbi bashkëshorten e tij. Edhe pasi në jetë erdhën 6 fëmijë, sërish dhuna ishte prezente në familje e cila nuk kursente as të miturit.
Kryefamiljari, Fatmir Hatija nuk punonte por ishte përdorues i alkoolit dhe për këtë arsye ai nuk kontrollonte dot veprimet e tij.
Duroi për vite me rradhë dhunën, deri në vitin 2022 kur Hatija vendosi ta denoncojë bashkëshortin e saj i cili u dënua me 1 vit burg.
Në nëntor të 2023 ai sapo kishte lënë qelinë kur një muaj më pas përsëriti sërish dhunën mbi gruan e tij.
Aktualisht ai ndodhet në paraburgim ndërsa tashmë Majlinda është bërë dhe nënë dhe baba për 6 fëmijët e saj. Ata kanë mbetur të vetëm pa të ardhura në kushte tepër të vështira dhe me plot borxhe për të siguruar bukën e gojës.

свернуть