Бәріңізге ассалаумағаликум. Болат Назарбаев Талғар, Қаскелең, және Астанадан заңсыз жер алу үшін қандай қулыққа барған? Депутат Ерлан Саиров экс елбасының інісіне қатысты қандай сұмдық деректерді ашық айтып тастады? Ал қазаққа қоқан-лоқы жасалғанда жұмған аузын ашпайтын ассамблеяны тарату жайлы петиция жарияланды. Төрағасы Тоқаев болған ұйымның көзін құрту мүмкін бе? Шайына бал қосып ішкіш шенділер, қарашаның қарындашқа ақшасы жетпей жүргенін біле ме? Өте өзекті ақпараттарды сізге білген дұрыс. Ардақты ағайын каналымызға тіркеліп, қоңыраушаны басып қолдау көрсетіңіз! Сіздерге айтар алғысымыз шексіз! Сонымен әлқисада айтылған әңгімені таратып айтайық. Болат Назарбаевтың қулығына құрық бойламайды екен. Алматы түбіндегі Талғар мен Қаскелеңінен бастап анау астанадан 240 гектар болатын 59 жер телімін заңсыз алған екен. Бұл тек 5 жылдың ішінде меншіктеген жылжымайтын мүлкі. Сөйтіп Назарбаевтың інісінің тағы бір былығы ашылды. Оны ашқан, жалпақ жұртқа жария еткен депутат Ерлан Саиров. «AMANAT» партиясы жанындағы сыбайлас жемқорлыққа қарсы қоғамдық кеңестің кезекті отырысында ол Болат Назарбаевтың атын атап түсін түстеді.
СНХ: 1 минут
Болаттың заңсыз алған жерлері мемлекетке қалай, қашан қайтады? Ол жағы белгісіз. Әйтеу мемлекет Назарбаев туысқандарынан мынадай ақша, анадай дүние қайтып жатыр деп бөсуде. Сол қайтқан ақшадан халық шын пайдасын көрсе ғой деп армандайсың. Ол бюджетке түскенімен тағы біреудің қалтасына кетпесе болды. Ал халық қазір Назарбаев құрып берген сүйікті ассамблеяны таратуға қол жинап жатыр. Елге белгілі тұлғалар жазба жариялап бұл ұйымның көк тиынға қажеті жоқ екенін айтуда. Мәселен, саясаткер Азаматхан Әміртай бүй дейді. Соңғы біраз жылдар көлемінде қазақ қоғамында жиі көтерілетін бір тақырып бар. Ол Қазақстан халқы Ассаблеясы. Жұрт: «қазынадан миллиондаған теңгені жеп отырған «арамтамақ» құрылым қаншалықты қажет, ешуақытта әлсін-әлсін ел ішінде болып тұратын ұлтаралық қақтығыстарға ара түсіп, басу айтпайтын ұйым керек пе?» деген сықылды әңгімені көп айтады. Бұған қосылмасқа болмайды. Ақиқатын айтсақ, аты дардай болсада, бұл ұйымның пайдасын қазақ көрмеді. Титулды ұлтты ұлықтайтындай қарекеті жоқ бұл ассамблея расында қажет пе? Көңілге кірбің түсіретін бір жайт, елімізде ара-тұра болып тұратын ұлтаралық жанжалдарда үн қатпайтын бұл құрылым кеше ғана Украинаның Қазақстандағы елшісінің Ресейдің Украинаға басып кіргенін айыптап, өзге елге қарата бір сөз айтып қалып еді, өре түргелді. «Қарсымыз» деді. «Бұл ұлттар арасына сына қағу» деді. Бір қарасаң жөн сөз. Алайда сондай әңгімен қазақпен күрд, қазақпен дүнген, қазақпен ұйғыр, қазақпен тәжік, қазақпен шешен арасында болған жанжалдарда неге айтпады? Неге басқа елге қарата айтылған бір ауыз сөзге жата кеп тулады? Сонда бұл ассамблеяның бүйрегі кімге бұрып тұр? Қазақстан халқының ақшасына өмір сүріп, алайда өзге елдің мүддесін қорғауда жанкештілік танытуға бейім тұратын мұндай құрылым бізге қажет пе? Әрине, жоқ! Демек мұндай құрылымды таратып жіберу керек деп ойлаймын!
Ал Мұхтар Тайжанда ассамблеяға тіс-тырнағымен қарсы. Саясаттанушы бұл петицияны қолдайтынын жазды. «Ассемблеяның төрағасы президент Тоқаевтың өзі болса да таратылсын деп айтам! Бұрын да бұны айтқам. Қазір де бұндай пікірдемін. Бүгінге дейін бұл Ассамблея аман болып тұрғаны «Жаңа Қазақстанның» идеологтарына үлкен сын»,-деп жазды ол әлеуметтік желіде.
Ассамблея дегенде алергиясы ұстайтын жандар арамызда көп екені анық. Ой-пікіріңізді пікірлер алаңына жаза кетіңіз құрметті көрермен.
Ассамблеяның әңгімесінен байғұс қазақтың тамыздағы тауқыметіне ойыссақ.
СНХ:
Бұл тақырыпты Қажымұқан ҒАБДОЛЛА ағамыз сияқты дәл суреттеп бере алмаспыз. Былай деп жазыпты. Баласы оқуға (оқушы, студент) баратын қазақтың жыл сайынғы бас ауруы - отыз жыл бойы ордалы ұры Назарбаевтың дәуірінен бері қайталанып келеді. Расы, оған дейін біз оқу жылының басталып-аяқталғанын байқамай қалушы едік. Негізі, қазаққа жоқтық пен жұт - Назарбаевпен бірге келді...Ініміз Оңғар Қабдендікі дұрыс-ақ: «Үйінде студенті бар ата-ана¬ның басты уайымдары бастал¬ды. Ол - жатақхана мәселесі. Жатақ¬ханадан орын табу - грантқа түс¬кеннен де өткен қуаныш. Жа¬ңа министр Саясат Нұрбек осы жатақхана мәселесін қалай шешпекші? 2020 жылы 85 мың студентке жатақханадан орын жетпепті. Бұл сандар биыл да қысқара қойғаны шамалы. «Ғылым жолына түсеміз, дамимыз» - деп, Аймағамбетовтың жұмысын жеңілдетіп, ЖОО-ны Сая¬сат Нұрбекке бөліп бердік. Со¬дан біздің ғылым дамып кет¬ті ме? Жатақхана мәселесі ше¬шіл¬ді ме? Әлде, түлектердің дип¬лом¬мен жұмысқа орналас¬уы шешілді ме? Жалпы, жаңа мин¬истр¬ліктің кешенді реформа¬лар бағдарламасы бар ма? «Уни¬вер-ситеттердің Шанхай рейтингі» жарияланды. Қазақстанның жоғары оқу орындары планетаның ең үздік 500 ғылы¬ми оқу орындарының тізіміне енген жоқ. Қазақстандық бірде-бір университет, соның ішінде, атышулы «Назарбаев Университеті» де, еліміздің басқа да озық және «әлемдік деңгейдегі» жоғары оқу орындары «Шанхай рейтингінде» жоқ.
