Референдум учаскелері ашыла салып, елдің саяси элитасы да таңдауын жасады. Премьер-Министр Әлихан Смайылов та алғашқылардың бірі болып дауыс берді.
Үкімет басшысы Елордадағы №111 референдум учаскесіне сағат 07:05 кеткенде келіп таңдауын жасады. Дәл осы кітапхана ғимаратындағы учаскеге дауыс беруге келген Сенат төрағасы Мәулен Әшімбаев жалғыз емес. Ол жұбайы мен 18 жасқа толған қызын ертіп келді. Сенат спикері журналистердің сұрағына жауап беріп, бұл жолғы референдумның жөні бөлек деді.
МӘУЛЕН ӘШІМБАЕВ, ҚР Парламенті Сенатының төрағасы:
– Осындай үлкен мәселе халықтың өз таңдауына беріліп жатқаннан кейін,еліміздің азаматтары дауыс бері учаскелеріне келіп, өздерінің дауыстарын беруі өте маңызды. Бұл біздің ұлт ретінде жетілгендігіміздің бір көрсеткіші деп қарастыруға болады.
Ал, Мемлекеттік хатшы Ерлан Қарин болса, әр азамат ел өміріне қатысты маңызды шараларға белсене қатысқаны жөн деп санайды. Журналистерге берген сұқбатында 1995 жылғы референдумды есіне алды. Сол уақытта студент болған Ерлан Қарин халыққа Конституцияның маңыздылығына қатысты түсіндіру жұмысымен айналысқанын айтты. Ал, бүгінгі референдумға мемлекеттік хатшы да отбасымен келіпті.



Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31

#ЖаңаҚазақстан #Референдум #СаясиЭлита

свернуть