Sarıkök
2500 ildən bəri Hindistanda ədviyyatların “kraliçası” olaraq qəbul edilən sarıkök hazırda alimlərin araşdırma obyekti olan bitkilərdən biridir. Bizim mətbəximizdə də sarıkök qədimdən bəri istifadə olunur. Bəs, hər gün yeməklərə qatılan sarıkökün faydaları nələrdir? Birlikdə baxaq:
1. Soyuqdəymə, qrip və öskürək zamanı çox xeyirlidir.
2. Tənəffüs yollarında meydana gələn infeksiyaları yox edir.
3. İmmuniteti möhkəmlədir.
4. Qaraciyərin yağlanmasının qarşısını alır.
5. Yaddaşı gücləndirir.
6. Sümük əriməsi kimi xəstəliklərin yaranmasına mane olur.
7. Sarıkök orqanizmin istənilən hissəsindəki iltihablanmanın müalicəsində effektivdir.
8. Qarın boşluğundakı şişkinliyi və köpməni yox edir.
9. Vərəmin müalicəsi zamanı faydalıdır.
10. Bronxları təmizləyir.
11. Uşaqlarda beyin və daxili orqanların inkişafına kömək edir.
12. Dərini təmizləyir və təravətləndirir.
13. Hüceyrələrin bərpasına və yenilənməsinə kömək edir.
Sarıkökü, adətən, yeməklərdə istifadə edirlər. Amma sarıkök sevməyən insanlar da var. Bu insanlar sarıkökü südə qatıb içə bilərlər. Yaxud, qatığa qatıb yatmazdan qabaq yeyə bilərlər. Tənəffüs sistemi xəstəlikləri zamanı balla qarışdırılıb qaşıq-qaşıq udulursa, əsl dərman kimi effekt verir.
Sarıkök çayı isə belə hazırlanır:
2 stəkan qaynar suya 1 çay qaşığı sarıkök qatın, dəmlənməsi üçün 9-10 dəq gözləyin. Sonra için. Dadını dəyişmək istəsəniz, içinə bal və ya limon suyu qata bilərsiniz.
Kök halında olan sarıkökü dəmləmək istəyirsinizsə, buyurun: suyu qəşəng qaynadın. Dəmliyə kök halında olan sarıkök və zəncəfil atın. 15 dəq dəmləməsi üçün gözləyin. Sonra süzgəci stəkanın ağzına qoyun, çayı süzün. Dadını bəyənməsəniz, meyvə dilimləri, bal və ya limon suyu qata bilərsiniz.
