Rexhina, një zonjë nga Shkodra telefonoi në “Aldo Morning Show” në Tv Klan për të kërkuar një opinion për një shqetësim. Ajo tregon se bashkëshorti i saj ka ndërruar jetë kohë më parë dhe prej 4 vitesh ajo ka rigjetur dashurinë.
Zotëria është shqiptar që jeton në Australi, por familja e tij nuk është dakord me lidhjen. Çifti është në mëdyshje për të ndjekur zemrën apo familjarët. Nga ana e Rexhinës, e cila ka një fëmijë, nuk ka asnjë pengesë.
Aldo: Këtë zotërinë ku e njohe?
Rexhina: Ne jemi njohur në Shqipëri, kemi lidhje miqësore me njerëzit e tij.
Aldo: Pra ku e njohe?
Rexhina: Ne jemi njohur në Shqipëri, në pushime.
Aldo: Ky çfarë moshe ka, sa diferencë moshe keni ju?
Rexhina: Nuk ka problem, diferenca nuk është e madhe. Dashuria nuk njeh moshë.
Aldo: Po për çfarë e dashuron këtë ti?
Rexhina: E dashuroj se jemi dashuruar…
Aldo: Çfarë të bën ty ta dashurosh këtë njeri?
Rexhina: Është i sinqertë, është njeri shumë i sinqertë, për mua ëështë gjithçka, na ka rënë gjaku me njëri-tjetrin por familja e tij nuk është dakord. Atij i ka vdekur gruaja.
Aldo: Tani ai jeton në Australi?
Rexhina: Ai po, tani është këtu me pushime.
Aldo: Keni 4 vjet bashkë ju the?
Rexhina: Po, jetojmë së bashku këtu.
Aldo: Pra e ka lënë Australinë, ka ardhur në Shkodër?
Rexhina: Ka ardhur në Shkodër për momentin.
Aldo: Çfarë zanati ka ky?
Rexhina: Është drejtor në një ndërmarrje atje, ka një fabrikë familja.
Aldo: Ah, ka familja një fabrikë, ky është drejtor dhe ka 4 vjet e s’ka shkuar. Ti vetë çfarë moshe ke?
Rexhina: I kemi kaluar të 50-at.
Aldo: Po ai sa është tamam?
Rexhina: Ai është 60.
Aldo: Çfarë problemi ka familja e tij që thotë nuk duhet?
Rexhina: Familja e tij, nuk i pëlqen, nuk duan të zëvendësojnë mamanë.
Aldo: Sa fëmijë ka ai?
Rexhina: Ai ka 4, por 2 janë kundërshtarë, vajza e një djalë.
Aldo: Ndoshta duhet tentuar të flasësh me ata, ke tentuar të flasësh me ata?
Rexhina: Me djalin kam tentuar, por vajza nuk pranon. Edhe djali nuk pranon, u duket diçka për të zënë vendin e mamit. Ata janë të martuar, kanë jetën e vet.
Aldo: Po ky vetë çfarë thotë?
Rexhina: Ky është i çmendur, jemi çmendur të dy pas njëri-tjetrit.
Aldo: Ju e paskeni të zgjidhur, paskeni luajtur mendsh të dy, të zgjidhur e keni!
#AldoMorningShow Emision mëngjesi nga #AldonLipe në #TvKlan.{
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
![](https://i.ytimg.com/vi/892tw29q43Y/maxresdefault.jpg)