Kryeministri izraelit, Benjamin Netanyahu, ka shkrirë kabinetin e luftës, sipas mediave izraelite, dhe ka informuar ministrat për dorëheqjen e Benny Gantz dhe Gadi Eisenkot. Sipas parashikimeve, Netanyahu do të vazhdojë të mbajë mbledhje të kufizuara, me qëllim konsultimi, që janë kryer në praninë e ministrave Yoav Galant, Ron Dermer dhe shefit të asamblesë kombëtare, Tzachi Hanegbi. Kjo vjen pasi Netanyahu, kritikoi planet e shpallura nga ushtria izraelite për pauza taktike ditore në luftime, përgjatë një prej rrugëve kryesore në Gaza, me qëllim që të lehtësohet shpërndarja e ndihmave. Të dielën ushtria njoftoi një pauzë ditore që do të fillonte në zonën e Rafahut në orën 8 të mëngjesit dhe do të qëndronte në fuqi deri në orën 19:00 përgjatë rrugës kryesore Salah al-Din, për të lejuar kamionët e ndihmave të kalojnë tranzit ndërmjet kalimit Kerem Shalom nga Izraeli, duke shtuar se pauza do të respektohet çdo ditë deri në një njoftim të dytë.
“Kur kryeministri dëgjoi raportet e një pauze humanitare 11-orëshe, ai iu drejtua sekretarit të tij ushtarak dhe ia bëri të qartë se kjo ishte e papranueshme për të”, tha një zyrtar izraelit për mediat të dielën vonë. Zyrtari tha se Netanyahu mori garanci se "nuk ka ndryshim" në politikën e ushtrisë dhe se "luftimet në Rafah vazhdojnë siç ishte planifikuar". Stacionet televizive izraelite më vonë cituan Netanyahun teksa kritikonte ushtrinë, duke thënë: "Ne kemi një vend me një ushtri, jo një ushtri me një vend". Ushtria sqaroi se operacionet normale do të vazhdojnë në Rafah, fokusi kryesor i operacionit të saj në jug të Gazës, ku tetë ushtarë u vranë të shtunën. Megjithatë reagimi i Netanyahu nënvizoi tensionet politike lidhur me çështjen e ndihmave që vijnë në Gaza, ku organizatat ndërkombëtare kanë paralajmëruar për një krizë humanitare në rritje.

PAmje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Netanyahu#Gaza

свернуть