TIRANE - Komisioni parlamentar për Dekriminalizimin ka nisur me shtyrje në mbledhjen e parë të këtij sesioni të ri Parlamentar. Lajmi konfirmohet nga kryetari i këtij komisioni, njëkohësisht dhe deputeti i Partisë Demokratike Oerd Bylykbashi.
Sipas tij, ka qenë një kërkesë e anëtarëve të Partisë Socialiste të Komisionit të Dekriminalizimit, të cilët kërkuan që mbledhja të shtyhet për ditën e hënë më datë 14 Shtator.
Ndërkohë që nuk është bërë e ditur asnjë arsye përse është kërkuar kjo shtyrje e mbledhjes së komisionit.
Dje Konferenca e Kryetarëve futi dekriminalizimin në kalendarin 3-mujor të punimeve të Kuvendit, ndërkohë që opozita kërkonte që kjo nismë të votohej brenda Shtatorit
