Қазақстан егемендігін алғаннан кейін жаңа мемлекет ретінде алдында үлкен міндеттер тұрды.
Солардың бірі – Қарулы күштерді құру. Бүгінде еліміздің әскері айтарлықтай мығым. Бастапқыда ел армиясының қалай құрылғандығы жөнінде Президенттің «Тәуелсіздік дәуірі» атты туындысында толық жазылған. Бүгінгі жарқын жетістіктер кешегі кемел шешімдердің төңірегінде құрылғандығын естен шығармау керек.
Нұрсұлтан Назарбаев, ҚР Президенті:
– Мен Қарулы күштердің Жоғарғы Бас қолбасшысы ретінде әскери кадрлар даярлағанда, жауынгерлік әрекеттерге, стратегиялар мен заманауи шайқас тактикасының тәжірибесіне ерекше көңіл бөлу керек деп есептедім. Қаржының шектеулі екеніне қарамастан, осы мақсатта жүйелі түрде әскери жаттығулар өткізілді. 1993 жылы корпустар мен дивизия штабтарының қатысуымен ірі командалық-штабтық жаттығулар жүргізілді. 1994 жылдың маусымында Аягөз полигонында Қарулы күштердің басшылық құрамының және құрамалар мен бөлімдер командирлерінің қатысуымен жауынгерлік даярлық жөніндегі жаттығулар өткізілді. 1994 жылдың және 1995 жылдың қыркүйегінде Әскери әуе күштері бөлімдерінің кешенді ұшу-тактикалық жаттығуларына қатыстым.
![](https://i.ytimg.com/vi/8LU-1hDdXBE/maxresdefault.jpg)