Біз бірге болсақ...
Күн ылғи күліп тұратын сияқты,
Барыңызды әлем біліп тұратын сияқты.
Күн сайын ақкөңіл, ақжарма жүрек
Маңдайымнан сүйіп тұратын сияқты.

Біз бірге болсақ...
Жүрегім түкке ауырмайтын сияқты,
Бақ қонудан тайынбайтын сияқты.
«Кетем!» дей алмайтын мені Құдай,
Өлгенше сізден айырмайтын сияқты.

Біз бірге болсақ...
Жанарымнан жас тамбайтын сияқты,
Арманым одан әрі асқақтайтын сияқты.
Махаббатқа «…мәңгі бізбен қалшы!» десек,
Сөзімізден бас тартпайтын сияқты.

Біз бірге болсақ...
Еркелікке көп нүкте қойылатын сияқты,
Ұрысу, өкпелету жойылатын сияқты.
Қос жайнамаз күн сайын қатар төселіп,
Қос алақан қаз-қатар жайылатын сияқты.

Біз бірге болсақ...
Жер беті нұрға бөленетін сияқты,
Сөзім жерде қалмай еленетін сияқты.
Құшағыңа тығылған күлекеш қыз,
Өмірбақи бақытқа кенелетін сияқты.

Мақпал Төребек

свернуть