უწყვეტი სროლები და მასშტაბური აფეთქებები უკრაინაში - დღეს ომის 33-ე დღეა. გარდაცვლილთა და დაშავებულთა რიცხვი იზრდება. ქვეყნის საბრძოლო ზონებიდან ევაკუაცია დღეს არ მიმდინარეობს. კიევში, ლუცკში, როვნოში, ხარკოვსა და ჟიტომირში განგაშის სიგნალების ხმა ისმოდა დილამდე.
უკრაინის არმიის გენშტაბის ინფორმაციით, ომი დაწყებიდან რუსული ჯარის ცოცხალი ძალის დანაკარგები 17 000-ს აღწევს. გარდა ამისა, საბრძოლო მოქმედებების შედეგად განადგურებულია ასობით რუსული სახმელეთო და საჰაერო ტექნიკა. უკრაინის თავდაცვის ძალებმა დონეცკისა და ლუგანსკის რეგიონებში რუსი სამხედროების ხუთი თავდასხმა მოიგერიეს. მათივე ცნობით, რუსები წინსვლას ვერ ახერხებენ, ამიტომ მშვიდობიან მოსახლეობას ესხმიან თავს. ბრიტანული დაზვერვის მონაცემებით, რუსული ძალების პოზიციებში მნიშვნელოვანი ცვლილებები არ მომხდარა. მათი ინფორმაციით, რუსეთის არმიამ ყველაზე დიდ წარმატებას მიაღწია მარიუპოლში. ქალაქში კვლავ მიმდინარეობს ინტენსიური ბრძოლები.
ეწვიეთ ჩვენს საიტს - [ Ссылка ]
მოიწონეთ ჩვენი გვერდი - [ Ссылка ]
გამოიწერეთ ჩვენი არხი - [ Ссылка ]
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.
