Қазақстанда орташа зейнетақы мөлшері қанша екені белгілі болды.
Жыл басынан бері қазақстандықтарға 2,2 триллион теңгеден астам зейнетақы төленді.
Еңбек және халықты әлеуметтік қорғау министрлігінің мәліметінше, қаңтар-қазан айларында республикалық бюджеттен базалық зейнетақы төлеуге 682,8 миллиард теңге, ынтымақты зейнетақы төлемдеріне 1 триллион 543,2 миллиард теңге бағытталды. Ал қазан айында республикалық бюджеттен зейнетақы төлемдеріне 221,1 миллиард теңге, оның ішінде базалық зейнетақыға 67,9 миллиард теңге, ынтымақты зейнетақыға 153,2 миллиард теңге бөлінді.
"1 қарашадағы жағдай бойынша зейнеткерлер саны 2 миллион 230 мың адамды құрайды. Зейнетақы төлемдерінің орташа мөлшері (базалық зейнетақыны қоса алғанда) – 99 804 теңге", - делінген хабарламада.

свернуть