Հունիսի 1-ից 4-ը Երևանում անցկացվեց «Նոր անուններ» պատանի երաժիշտ-կատարողների 9-րդ միջազգային փառատոնը: Այս տարի փառատոնին մասնակցում էր 60 պատանի երաժիշտ՝ Հայաստանից, Արցախից, Միացյալ Նահանգներից, Ռուսաստանից, Վրաստանից, Լիտվայից, Ճապոնիայից և Լիբանանից: Լավագույնները հունիսի 4-ին «Արամ Խաչատրյան» համերգասրահում ելույթ ունեցան Հայաստանի ազգային ֆիլհարմոնիկ նվագախմբի հետ՝ դիրիժոր Հարություն Արզումանյանի ղեկավարությամբ:
