Salam əziz izləyicilər.
Bu gün yenə sizdən gələn suallara əsasən seçdiyim “Qızılca xəstəliyi” ilə bağlı məlumat verəcəm.
Qızılca xəstəliyi, rubella virusu tərəfindən törədilir. Viral xəstəlikdir. Xəstəlik, qrip və respirator xəstəlikləri simptomları ilə başlaya bilər. Yəni öskürmə, asqırma, gözlərin qızarması, bədən hərarətinin yüksəlməsi ilə özünü göstərə bilir.
Xəstəliyin qızılaca olub-olmamasını necə anlaya bilərik?
Qızılca xəstəliyi, ilk günlərində bədən hərarəti yüksəlir, bununla yanaşı ağız boşluğuna baxan zaman üst damaqda, yanaqlarda qırmızı səpgilər və xüsusilə yanaqlarda ağ ərpin olduğunu görürüksə, qızılcadan şüphələnə bilərik. Daha dəqiq diaqnoz üçün qan analizi götürülməlidir.
Səpgilər əsasən bədənin yuxarı hissəsindən, baş hissədən (daha çox üz) başlayaraq gövdənin aşağı hissələrinə ayaqlara doğru yayıla bilir.
Qızılca xəstəliyinin müalicəsində gəldikdə isə, xüsusi bir müalicəsi yoxdur. Sadəcə xəstəliyin ağırlaşmasını aradan götürmək (digər orqan və sistemlərə fəsadının olmaması) üçün müalicədə A vitaminindən istifadə edirik. Həmiçinin sistematik müalicədən istifadə edə bilərik (Misal olaraq, öskürək varsa, öskürəyə qarşı; qızdırma varsa, qızdırmaya qarşı; ikincili ağırlaşmalar olarsa, pediatr təyinatı ilə antibiotik terapiya).
Qızılca zamanı bəzi valideynlər uşağı qırmızı adyala bükürlər. At südü, eşşək südü kimi bəzi müalicə metdoları seçirlər ki bunlar tamamilə yanlışdır. Qızdırma zamanı bədəni havalandırmaq lazımdır.Və hətta qızılca zamanı bədənə duş qəbul etdirib, yuya bilərik. Uşaq daha da rahatlayar, daha tez sağala bilər.
Qızılca xəstəliyinin profilaktikası üçün biz Qızılca PEYVƏNDi edirik. İlk doz, 1 yaşda olunur. İkinci doz, 6 yaşda olunur. Bununla yanaşı olaraq, bütün yaş qrupundan olan fərdlər Qızılca əleyhinə Peyvənd oluna bilərlər.
Qızılca əleyhinə Peyvəndin heç bir yan təsiri yoxdur. Valiyendlər rahatlıqla Qızılca əleyhinə Peyvəndi etdirə bilərlər.
Həkim-Pediatr Dr Kənan Qarayev
Tel: 050 587 18 48
Facebook: [ Ссылка ]
İnstaqram: dr.kenan_qarayev
