Қаңтар оқиғасы кезінде бейбіт шеруге шыққан азаматтарға арнайы мәртебе берілуі мүмкін. Яғни, тәуелсіз Қазақстан тарихындағы ауқымды оқиға құқықтық бағасын алып, сол кезде қамалған, қаза тапқан, денсаулығына зақым келген азаматтардың статусы айқындалмақ. Бұл бастаманы «Аманат» комиссиясының өкілдері ұсынып отыр. Сондай-ақ, зардап шеккен, туысынан, жалғыз асыраушысынан айырылған отбасыларға өтемақы беру мәселесі де ойластырылып жатыр.
Мәртебе бейбіт шеруге шығып, түрлі қиындықтарға тап болған азаматтарға берілмек. Алдымен әр адамның ісі жіті тексеріліп, зерделенеді. Соған қарай статусы анықталмақ. Комиссия мүшелерінің айтуынша, Қаңтар оқиғасы кәдімгі «Желтоқсан көтерілісі» секілді саяси бағасын алуы тиіс. Сәйкесінше, қатысушыларының құқықтың мәртебесі болуға міндетті. Демек, қылмыстық іс қандай жағдайда және не үшін қозғалды, кім нендей жазаға кесілді, қаза тапты бәрі-бәрі ашық айтылуы қажет. Әрі жалғыз асыраушысынан айырылған, денсаулығына қатты зақым келген және өте мұқтаж отбасыларға өтемақы төленуі керек дейді. Жалпы «Аманат» комиссиясы жұмысын бастағалы 500-ден астам азаматтың босап шығуына себепкер болған. Комиссия мүшелері енді бірреттік рақымшылықпен бостандыққа шығатын азаматтар қудаланбауы керек деп отыр. Айтуларынша, алдағы уақытта қаңтар оқиғасына қатысы бар 1500 кісі рақымшылыққа ілінуі мүмкін. Олар әуелі кінәсін мойындап, талапқа көнуі қажет. Ал келіспесе, өзінің кінәсіз екенін сот арқылы дәлелдей алады.
УАЙС ЕРСАЙЫНҰЛЫ, «Аманат» комиссиясының мүшесі:
— Денсаулығына зақым келген, қиын жағдайға түскен, кейбіреулердің отбасы көмек ала алмай қалды. Отбасы асыраушысынан айырылғаннан кейін оның кредиті бар деген секілді көптеген материалдық проблемаларға бетпе-бет тап келді. Енді олардың мәселесін кім шешеді? Біз араласпағанда ол жерде арнайы айналысып отырған орган жоқ. Сол себепті біздер осы азаматтардың бір мұқтаждықтарына материалдық қиындықтарына дәнекер болып, сәл де болса, қарлығаш көмегімізді бергіміз келеді.
.
.
.
.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар
Ещё видео!