«Իմ մոտ համոզմունք է ձևավորվում, որ սա հետևողական՝ ոչ միայն պատմական փաստերը խեղաթյուրելու, այլ, ըստ էության, մեր թշնամիներին սպասարկելու ուղիղ օրակարգ է: Եթե մարդիկ տեղյակ չեն պատմությունից, ապա այն չի հիմնավորում, որ նրանք պետք է հիմնարար և տգետ հայտարարություններ անեն մեր պետականության հասցեին»,-ԱԺ-ում հայտարարեց Արծվիկ Մինասյանը՝ անդրադառնալով իշխող խմբակցության պատգամավորների ելույթներում Բաթումի պայմանագիրը կնքելու մեջ ՀՅԴ-ին մեղադրելու դրույթներին:
Մինասյանի խոսքով՝ 1918 թվականին Բաթումի պայմանագիրը կքվել է Հայաստանի անկախության համար և, 12 հազար քառ.կմ տարածքի վրա անկախություն ձեռք բերելով, Հայաստանը կարողացել է իր տարածքներն ընդլայնել:
Անդրադառնալով Ալեքսանդրապոլի պայմանագրին՝ «Հայաստան» դաշինքի քարտուղարը հայտնեց. «Միայն ու բացառապես հայ ժողովրդի մի հատվածի փրկության համար ձևական ստորագրված Ալեքսանդրապոլի պայմանագիրն անընդհատ վկայակոչելը ոչ ավելի, ոչ պակաս՝ թուրք-ադրբեջանական շահի սպասարկում է նշանակում»:
Նա հայտարարեց, որ օրենսդրական նախաձեռնության անհրաժեշտություն կա, որով սուտը, կեղծիքը և պատմական իրողությունը խեղաթյուրելու, Հայոց պետականությանը վնասելու վարքագծի համար քրեական պատասխանատվություն կսահմանվի:
Մանրամասները՝ տեսանյութում
