Kəşfiyyatçımız Pəncəli Teymurov erməni generalı belə öldürdü – Hamı baxsın

20 erməni əsgərini aparan maşın partladıldı, Ermənistanı dəhşətə gətirən gecə
Ermənilərin başına böyük məbləğdə pul qoyduğu Gizir Pəncəli Teymurov
Düşmən onu tutmaq üçün 21 gün axtarıb.
"O, bir qəhrəman kimi özünə öz toy günündə şəhidlik arzu etdi və arzusuna da çatdı"

Pəncəli Teymurov... Bu ad bəlkə də bir çoxunuza tanış deyil. Əlbəttə, ermənilərin başına 1 milyard (dramla) pul qoyduğu bu “kölgə adam” mümkün qədər gizli fəaliyyət göstərməli idi. Özü hər nə qədər sirli olsa da, qəhrəmanlıqlarından düşmən ordusunda da danışılırdı.
Pəncəli Teymurov 1981-ci ilin martın 24-də Astara rayonunun Əzərüd kəndində anadan olub. Hərbi xidmət zamanı kəşfiyyatçı peşəsinə yiyələnib və hərbi hissənin ən mahir kəşfiyyatçısı olub. Daha sonra könüllü olaraq xidmətini yenicə yaradılan Azərbaycan Xüsusi Təyinatlı Qüvvələrinin kəşfiyyatçı-diversant taborunda davam etdirib və 17 il Azərbaycan ordusunda şərəflə xidmət edib.
Pəncəli Teymurov hələ uşaq ikən, 1992-ci ildə baş vermiş Xocalı soyqırımının kadrlarını izləyəndə hərbçi olacağına və düşməndən intiqam alacağına söz vermişdi.
O, illər sonra sözünü tutur. Xocalı faciəsi zamanı azərbaycanlıları öldürən erməni hərbçi general rütbəsi almağa gedərkən Pəncəli Teymurov onu izləyir və əlverişli məqamda məhv edir. Bu olay erməni ordusunu lərzəyə salır, böyük çaxnaşma yaradır.
Pəncəlinin qəhrəmanlığı bununla da bitmir. 2015-ci ildə kəşfiyyat qrupu ilə Kəlbəcərə keçən Pəncəli 4 erməni zabirin və 20 əsgərin olduğu “Ural” markalı maşını partladaraq onların hamısını məhv edir.
Bu qəhrəmanlıqlardan sonra ermənilər Pəncəlinin başına bir milyard dram qoyurlar, lakin nə qədər cəhd etsələr də, onu ələ keçirə bilmirlər.
Hətta bir dəfə erməni hərbçiləri Pəncəlini tutmaq üçün pusquya salırlar, o isə 21 gündən sora pusqudan çıxaraq növbəti dəfə düşməni şoka salır.
Ermənilər Pəncəlinin başına külli miqdarda pul qoyubmuş: “Pəncəli şəhid olandan sonra Rusiyanın Kalininqrad şəhərində yaşayan soydaşlarımızdan biri bizə dedi ki, Rusiyada bir erməni ilə rastlaşıb. Həmin erməni Aprel döyüşləri vaxtı xaricə qaçanlardan olub. Həmyerlimizin mobil telefonunda qardaşımın şəklini görən erməni Ermənistanda Pəncəli Teymurovun ölüsü və dirisini ələ keçirənə külli miqdarda pul mükafatı vəd edildiyini deyib".

Pəncəli Teymurov bir əfsanə idi. Talış yüksəkliyinin alınmasında xüsusi fədakarlıq göstərmişdi. Ümumiyyətlə qrupumuzda olan hərbçilərin əksəriyyəti Pəncəli ilə bir bölükdə vuruşmaq istəyirdilər. O bizim Ordunun əfsanəsi idi. Onun kimi istehkamçı olmaq hər oğulun işi deyildi. Hamıdan öndə gedirdi, həm istehkamı açırdı, həm qarşıdakı minaları təmizləyirdi, həm tankçı idi, müasir texnikanın hamısından başı çıxırdı. Döyüş onun ruhu, cismi idi. Döyüş dostlarını canından artıq sevirdi, həmin gün həm Vətən uğrunda, həm də dostları uğrunda döyüşdü. Dəfələrlə ermənilərə ağır itki verdirib, istehkam qüvvələrini dağıtmışdı. Bu gün isə onun üçün bir fürsət idi ki, açıq döyüşdə öz məharətini göstərsin. Və göstərdi də. Son nəfəsinə qədər bildiyi bütün döyüş metodlarını tətbiq etdi.

2016-cı ilin aprel hadisələrinin ilk günü Pəncəli öz döyüş yoldaşları ilə erməni təxribatının qarşısını almağa yola düşür. O, ermənilərin bir neçə canlı qüvvəsini və texnikasını məhv edir. Mühasirəyə düşsə də, son damla qanına kimi döyüşür və düşmənə ağır zərbələr endirdikdən sonra şəhid olur.
Erməni generalını məhv etmək, hərbçilərin olduğu maşını partlatmaq, Aprel döyüşlərində onlarla erməni əsgərini, texnikasını sıradan çıxarmaq... Təbii, bunlar Pəncəlinin bizə məlum olan qəhrəmanlıqlarıdır. Onun düşmənə sarsıdıcı zərbələr vurduğu elə xüsusi əməliyyatları var ki, bu gün də erməni ordusunda qorxu ilə xatırlanır.

Təsadüfi deyil ki, böyük qardaşı Elbrus Teymurov da bunu deyir. Şəhid olandan sonra döyüş yoldaşları dedi ki, Pəncəli sağ ikən öz qisasını almışdı. Bir dəfə də Pəncəlinin şalvarının bud nahiyəsində güllənin açdığı yanmış deşik izini gördüm. O isə məni aldadaraq şalvarının siqaretdən yandığını bildirdi. Bir dəfə də Murovda meşədə bir neçə gün gizlənib. Siqaret çəkərkən düşmənin gəldiyini görüb və siqareti əlində elə sıxıb ki, əlcəkləri yanıb. Həmin yanmış əlcəkləri indi onun ev muzeyində müqəddəs atribut kimi saxlayılır.

Pəncəli Teymurov Türkiyə Respublikasında hərbi təlim keçmiş döyüşçülərdən olub. Komandan şəxsən onu "Qızıl bayraq" medalı və bir neçə Fəxri fərmanla təltif etmişdi. Onun 40 mərasimində iştirak edən türkiyəli qardaşların özündən eşitdik ki, Pəncəli Teymurovu Türkiyədə qəhrəman kimi tanıyırlar.

Vətənə canı və qanı ilə bağlı olan Pəncəli Teymurov öz toyunda düşməndən intiqam alıb şəhid olmağı və üçrəngli bayrağımıza bükülüb dəfn olunmağı arzulamışdı.
O, həm bu arzularına çatdı, həm də özündən sonra böyük bir yol qoyub getdi.

Mübariz İbrahimov da, Pəncəli Teymurov da son deyil, başlanğıcdır...

#Qarabağ #müharibə #döyüş

свернуть