Ky është Eduart Lamaj, personi që vrau Bujar Likën dhe Paulin Gjergjin në Laç, 3 javë më parë.
Është ky personi që qëllon me breshëri me një automatik kallashnikov në drejtim të dy viktimave, derisa zbraz të gjithë karikatorin. Nga video e siguruara nga Televizioni Klan dallohen Eduart Lamaj teksa futet i armatosur dhe i maskuar brenda hotelit. Më pas në lokal hyn edhe një person i dytë.
Në momentet që Eduart Lamaj dhe shoku i tij qëllonin ndaj Bujar Likës dhe Paulin Gjergjit, dy personat e tjerë ruanin me armë djalin e Paulin Gjergjit. Djali tenton të afrohet kur dëgjon të shtënat, por ndalohet nga personi i armatosur.
Një nga autorët afrohet te hoteli për të parë si po shkonte atentati.
Pas shkëmbimit të zjarrit, Eduart Lamaj mbeti i plagosur. Ai dallohet në video teksa ndihmohet nga shokët e tij për të dalë nga hoteli dhe për të mos lënë armën e zjarrit në vendin e ngjarjes.
Pasi u plagos, 30-vjeçari Eduart Lamaj erdhi në Tiranë tek e motra, ku u gjet brenda klinikës “Amavita”, në hyrje të Qytetit Studenti, pasi i ishte infektuar plaga.
Burime nga policia thanë se vrasësi pagoi 10 mijë euro për dy mjekët Viktor Marku dhe Besim Lama për ta operuar në kliniken private “Amavita”.
Mjekët e realizuan operacionin dhe siç shihet edhe në këtë foto, këmba po i rikuperohej.
Por ndërkohë që i riu ishte në spital, policia ishte duke e përgjuar, pasi kishte dyshime se ai ishte një nga personat që kryen atentatin.
Sapo ka rënë në gjurmët e tij, RENEA bëri arrestimin.
Policia ka arrestuar edhe dy mjekët të cilën fshehën ngjarjen.
Para hetuesve, Eduart Lamaj ka pranuar vrasjen, por thotë se nuk ka pasur qëllim ekzekutimin e tyre dhe se u detyrua t’u kundërpërgjigjet të shtënave.
Policia ka sekuestruar edhe 2 makina, një Land Rover që Lamaj e kishte marrë me qira në Lezhë, të gjetur në oborrin e klinikës dhe një Golf 5 të parkuar në Don Bosko.
Policia është në kërkim edhe të 3 personave të tjerë që ndihmuan për vrasjen e Bujar Likës dhe Paulin Gjergjit. Burime nga grupi hetimor bëjnë të ditur se ata janë identifikuar, por emrat nuk bëhen publikë.
Tv KlanSUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
Ещё видео!