Այս թողարկման ընթացքում դիտեք՝

1-Առջևում գեղեցիկ սեռին նվիրված մեկամսյա տոնն է: Վանաձորի քաղաքապետարանի կրթության և մշակույթի բաժնի ենթակայությամբ գործող կառույցներն արդեն պատրաստ են միջոցառումների շարքին: Ներկայացվում է տոնին նվիրված միջոցառումների ցանկը:
2-Ինչպիսի՞ն է վանաձորցիների նախատոնական տրամադրվածությունը: Պարզել է Վանաձորյան օրերի նկարահանող խումբը:
3- Վանաձորի քաղաքապետ Սամվել Դարբինյանի պաշտոնական ուղերձը կանանց տոնի կապակցությամբ:
4- Որո՞նք են լոռեցի ստեղծագործողների գրական ուղղությունները: Ինչպիսի գրական-ստեղծագործական հեռանկարներ ու ներուժ ունի քաղաքը:
5- Պաշտոնական լրահոսից: Շաբաթվա սկզբին տեղի ունեցած քաղաքապետի խորհրդակցության ընթացքում խստորեն դրվել է աղբահանության ու սանիտարական մաքրման,ինչպես նաև անանցանելի փողոցների բարեկարգման հարցը: Խորհրդակցության մյուս մանրամասները՝ տեսանյութում:
6- Եղանակային բարենպաստ պայմանները այս շաբաթ հնարավորություն ընձեռեցին քաղաքում իրականացնել ծառերի էտ, կանաչապատ տարածքների խնամք, այգիների, գետերի ու հանրային վայրերի մաքրում: Կատարված աշխատանքների մասին:
7- Շարունակում ենք անդրադառնալ Վանաձորի վթարային շենքերի հիմնախնդիրներին: Այս շաբաթ հերթը Աղայան 81 շենքինն է:
8- Մարզական անցուդարձից: Ինչպե՞ս են ընթանում ՀՀ շախմատի առաջնությանն ընդառաջ անցկացվող մարզային առաջնությունները: Արդյունքների մասին:
9- Կոնգո, Ղշլաղ, Բանգլադեշ, Ջունգլիներ, ժողովրդախոսակացական տարբերակներ, որոնք թաղամասերի անվանափոխությունից հետո այդպես էլ մնացին գործածության մեջ: Գործընկերս պարզել է նշված թաղամասերի անունների ծագումնաբանությունը:
10-Եվ վերջում ևս մեկ հայտարարություն: 2016թ. մարտի 15-ին` ժամը 11.00-ին քաղաքապետարանի նիստերի դահլիճում կկայանա համայնքի ավագանու հերթական նիստը, որի օրակարգում կլինի Վանաձոր համայնքի 2015 թվականի բյուջեի կատարման տարեկան հաշվետվությունը հաստատումը: Այսքանը այս թողարկման համար, մնացեք բարյավ, մինչ նոր հանդիպում:

свернуть