Subscribe: [ Ссылка ]
Web: [ Ссылка ]
Facebook: [ Ссылка ]
Twitter: [ Ссылка ]
Instagram: [ Ссылка ]
TikTok: [ Ссылка ]
Më shumë se 8 orë negociata nuk arritën ta bindin Ramiz Muçollarin të dorëzohej te forcat RENEA. 62-vjeçari, i cili që prej mbrëmjes të së premtes qëndronte i mbyllur në banesën e tij në fshatin Qesarakë të Maliqit u ekzekutua pas shkëmbimit të zjarrit që pati me efektivët e policisë.Negociatat me 62-vjeçarin vijuan përgjatë gjithë natës me thirrje të pandërprera për t’u dorëzuar, por nuk u bind dhe vazhdoi të hapte zjarr, duke qëlluar me një mitraloz të lehtë duke rrezikuar jetën e tyre.Mëngjesin e kësaj të shtune forcat speciale “Renea” hynë deri në katin e dytë të banesës së Ramiz Muçollarit, i cili ishte ngjitur në papafingo. Policia njoftoi se pati shkëmbim zjarri që zgjati për një orë dhe si pasojë, 62-vjeçari humbi jetën.Më herët, ai plagosi gruan, Pëllumbeshën, 58 vjeç me thikë në këmbë, ndërsa djalin, Kamberin, 27 vjeç e qëlloi me qytën e armës në kokë. Ata ndodhen aktualisht në spitalin e Korçës jashtë rrezikut për jetën. Pas marrjes së njoftimit policia e Maliqit shkoi drejt banesës së autorit por të gjitha përpjekjet për ta detyruar të dorëzohej dështuanAutori vuante nga depresioni dhe kishte 20 vite që kurohej. Një ditë më parë familjarët e dërguan për vizitë në spitalin psikiatrik dhe në mbrëmje kur u kthyen në banesë nisi konfliktin me familjarët.Fqinjët e familjes Muçollari thane se 62-vjeçari nuk ka pasur sjellje agresive ndaj banorëve të fshatit. Sipas dëshmisë së tyre kanë qenë problemet me djalin që agravuan përplasjen.
