Агар, яқинда эълон қилинган янги халқаро тадқиқот натижаларига таянилса, Ўзбекистон Қозоғистон ва Туркманистондан кейин Марказий Осиё минтақасининг учинчи бой давлати бўлади. Бу учовлондан кейинги ўринларни эгаллаган Қирғизистон ва Тожикистон эса, дунёнинг энг қашшоқ элликта мамлакатидан биттаси ҳам деб топилишган. Янги тадқиқот нуфузли молиявий нашр - 'Global Finance Magazine' томонидан олиб борилган ва дунёнинг 198 давлатини қамраб олган. Ҳисобот муаллифларига кўра, ҳақиқий иқтисодий аҳволни акс этдириш ва имкон қадар холис баҳо бериш учун биргина бу мамлакатлар йиллик Ялпи Ички Маҳсулот ишлаб чиқариш ҳажмига оид рақамлар билан кифояланишмаган.
Дунёнинг энг бой ва энг қашшоқ давлатларини аниқлаш учун аҳоли жон бошига тўғри келадиган Ялпи Ички Маҳсулотнинг харид қобилияти тенглиги бўйича қайта ҳисобланган натижасига таянишган.
Ўз тадқиқотлари жараёнида Жаҳон Банки ва Халқаро Валюта жамғармасининг имконли бўлган маълумотларидан фойдаланишган. Марказий Осиёда энг бойваччаси, деб топилган Қозоғистон янги рўйхатда 198 давлат орасидан 54-ўринни эгаллаган. Собиқ Шўро давлатлари орасидан яна Грузия, Арманистон ва Украинани ўтказиб, Ўзбекистон бу рўйхатда 127-ўриндан жой олган. Марказий Осиёда аҳолиси сони энг катта бўлган (қарийб 32 миллионга яқинлашиб қолгани айтилувчи) Ўзбекистонда эса, ҳар бир киши бошига 6452 доллар тўғри келган. Тафсилотлари видеолавҳамизда - назардан қочирманг. Би-би-си Ўзбек хизматининг видеоларини www.bbcuzbek.com да ҳам кўришингиз мумкин.
‘Бойваччалар’ ва Ўзбекистон - BBC O'zbek
Теги
bbcuzbekббсббсузбекянгиликларузбекистанузбекbbcnewsuzbekuzbekistanўзбекистондунётошкентташкентўзбекчахабарларвидеолараудиоларсуҳбатлармақолаларинтернетонлайнсўмдолларпулвалютаақшамерикароссияпутинкремльрубльлитвалатвиямоскваўзбеклармигрантлармуҳожирларгринкартабиометрикпаспортчиқишвизасиrussiaputinusatrumpqatarказахстантаджикистандушанбеастанакиргизиябишкекисломкаримовшавкатмирзиёевмирзияевпрезидентбошвазирpoliticsполитика