Të tjera detaje janë zbuluar nga grupi kriminal shqiptar i cili u shkatërrua mbrëmjen e së shtunës, pas një operacioni masiv, I organizuar nga policia greke. Mediat greke edhe këtë të dielë kanë patur në fokus operacionin policor, ku 17 shqiptarë u vunë në pranga, të akuzuar për përfshirjen e tyre në një bandë kriminale, që merrej me vjedhje në stacionet e transportit publik në Greqi. Në prangat e policisë janë vënë Klodjan Zeneli, Artur Dine, Andi Cuko, Aldo Bramallari, Rando Ranxha, Jemi Zoto, Alma Sadiku, Reanto Prifti, Marsel Bashimi, Artur Bashimi dhe Enea Hyseni. Këta persona që prej tetorit 2021, vepronin si grup i strukturuar ku kishin të ndarë rolet e tyre, ndërsa preja e tyre ishin pasagjerët e transportit publik. Policia bëri me dije se të arrestuarit akuzohen si autorë të të paktën të 81 vjedhje ndërsa shuma e parave të grabitura shkon deri në 50 mijë euro. Marsel Bashimi, kreu i kësaj bande, gjithashtu akuzohet edhe për një tentivë vrasjeje. Shqiptari nga Gjirokastra akuzohet se ka plagosur me thike një shtetas gjeorgjian, i cili punonte delivery, gjatë një konflikti për përparësinë e mjeteve në rrugë. Bëhet me dije se në kontrollet e kryera në 20 shtëpi të anëtarëve të organizatës kriminale dhe në dy dyqane janë gjetur dhe sekuestruar 10 laptopë, 83 celularë, 11 ora, 5 kuleta, 3 çanta, byzylyk femrash me vlerë 3070 euro, 5 automjete, 2 motoçikleta, celularë, tabletë dhe laptopë, si dhe një sërë dokumentesh, shënime të shkruara me dorë dhe fatura të transportit publik.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#TopChannel

свернуть