"Қарағанды облысының жастар саясаты мәселелері жөніндегі басқармасы" ММ тапсырысы бойынша өтіп жатқан ІТ-форум шеңберіндегі хакатон аяқталуға жақындап қалды. Бүгін қатысушылар өз жобаларын қорғайды. Студенттер таңдаған тақырыптар сан алуан. Мысалға, ҚарМТУ келген команда еркін тақырыпта оқыту платформасын құруды таңдаған. Ғалымжан Хамидолинов, "GB&IS" командасының капитаны: "Біз еркін тақырыпты таңдап үйде отырып оқуға арналған оқыту платформасын құрастырдық. Командамда екі спикер, екі мобильді және екі веб бағдарламашылар бар. Барлығымыз осы "ақпараттық технологиялар" мамандығы бойынша білім алып жатқандықтан осындай шаралардың өткізілуі пайдалы деген ойдамыз".
Ал ҚЭУ-нің "Драм кружок V2.0" командасы жеңіске жету мүмкіндіктері жоғары болу үшін мемлекеттік мекемелер ұсынған екі тақырыпты біріктірген.
-Жеңіске жету мүмкіндігімізді арттыру мақсатында біз мемлекеттік бағдарламалар бойынша екі тақырыпты біріктірдік. Біз жастардың мемлекеттік бағдарламалар жайлы ақпарат алуы мен "Рухани жаңғыру" бағдарламасы бойынша азаматтардың өз идеяларымен бөлісуін біріктіріп "жалпы веб портал" құруды шештік,-дейді команда капитаны Леонид Смирнов.
Олай болса барлық қатысушыларға сәттілік тілейміз!
#JastarTynysy #ItWeekendKz2018 #Qaragandy #ItWeekend #Қарағанды #Караганда #МРЦ #УВМП #жастар #молодежь #forum #форум #Хакатон
