ҒАШЫҚ БОЛЫП, АҢСАУҒА МЕККЕ ЛАЙЫҚ!

Ғашық болып, аңсауға Мекке лайық!
Мекке бармай не керек текке байып.
Дұға қабыл болатын жерді аңсасаң,
Дұға жаса қос қолды көкке жайып.

Раббысы - Алла, Мұхаммед - үлгі еткені
Тек ізгілер жайлаған бұл Меккені.
Тыңдағаның - Алланың Құраны да
Ал, көргенің - Пайғамбар сүннеттері

Ешкім онда кектеніп, жауласпайды.
Соғылса да көлігі дауласпайды.
Меккедегі құлақтар азан тыңдап,
Меккедегі құрандар шаң баспайды.

Туған жерін сүйетін адам мүмін
Меккеге елдің арқалап барар жүгін.
Дұға қылып, ғаламның Патшасынан
Патшасының сұрайды амандығын.
Мұсылмандар үмітін Аллаға артып
Құлшылықпен күтетін таңды ағартып
Əлемдегі əр алуан "ақ үйлерден"
Қара мата жабылған Қағбам артық

Керек болса пендеге жан тыныштық,
Меккені іздеп табады, талпыныс қып.
Шын мұсылман жан үшін - Жалғыз мекен,
Отанынан өзінің артық, ыстық!

Сырым Əуезхан @syrym_auyez

#мекке #медина #умрахадж #умра #умра2023 #хадж #коран #ислам #дұғалар #тәлбиядұғасы #таухид

свернуть